Ҳукумати Ҷумҳурии Тоҷикистон
Ҳукумати Ҷумҳурии Тоҷикистон — мақоми ҳокимияти иҷроияи давлатӣ буда[1], бо мақсади таъмини роҳбарии самараноки соҳаҳои иқтисодӣ, иҷтимоӣ, фарҳангӣ ва иҷрои қонунҳо, қарорҳои Маҷлиси Олӣ, фармону амрҳои Президенти Ҷумҳурии Тоҷикистон ташкил карда мешавад.
| Иттилооти куллӣ | |
|---|---|
| Кишвар | |
| Таърихи таъсис | 1991 |
| Сохтор | |
| Дафтари марказӣ | |
 Парвандаҳо дар Викианбор | |
Ҳукумат ба низоми мақомоти идораи давлатӣ роҳбарӣ намуда, фаъолият ва мутобиқати ҳамкории онҳоро таъмин мекунад. Мувофиқи Конститутсия Ҳукумати Тоҷикистон аз тарафи Президент дар ҳайати Сарвазир ва дигар аъзои Ҳукумат таъйину озод карда шуда, фармон дар ин хусус ба тасдиқи Маҷлиси Олӣ пешниҳод карда мешавад.
Ҳайати Ҳукумат аз сарвазир, муовини якум ва муовинони ӯ, вазирон, раисони кумитаҳои давлатӣ иборат аст. Раиси Ҳукумат Президенти Ҷумҳурии Тоҷикистон буда, сарвари ҳокимият мебошад. У ба фаъолияти Ҳукумат роҳбарӣ намуда, барои ваколатҳоро самаранок амалӣ намудани он тадбирҳо меандешад.
Асоси ҳуқуқии фаъолияти Ҳукуматро Конститутсия, Қонуни конститутсионӣ «Дар бораи Ҳукумати Ҷумҳурии Тоҷикистон», дигар қонунҳо, қарорҳои Маҷлиси Олӣ, фармон ва амрҳои Президенти Ҷумҳурии Тоҷикистон ташкил менамояд.[2]
Фаъолияти Ҳукумат
вироишҲукумати ҷумҳурӣ аз Сарвазир, муовини якум ва муовинони ӯ, вазирон, раисони кумитаҳои давлатӣ иборат аст[3]. Ҳукумати ҷумҳурӣ роҳбарии самараноки соҳаҳои иҷктисодӣ, иҷтимоӣ, фарҳангӣ ва иҷрои қонунҳо, қарорҳои якҷояи Маҷлиси Миллӣ ва Маҷлиси Намояндагон, қарорҳои Маҷлиси Миллӣ, қарорҳои Маҷлиси Намояндагон, фармону амрҳои Президенти Ҷумҳурии Тоҷикистонро таъмин мекунад.(Ниг. Боби 5 Конститутсияи Ҷумҳурии Тоҷикистон).
Нигаред низ
вироишЭзоҳ
вироиш- ↑ Моддаи 1. Қонуни конститутсионии Ҷумҳурии Тоҷикистон Дар бораи Ҳукумати Ҷумҳурии Тоҷикистон. Маҷлиси миллии Маҷлиси Олии Ҷумҳурии Тоҷикистон (13 апрели 2017). 13 марти 2024 санҷида шуд.
- ↑ Фарҳанги истилоҳоти ҳуқуқ / Зери таҳрири Маҳмудов М. А. — Душанбе: ЭР-граф, 2009. — с. 536
- ↑ Моддаи 73. Конститутсияи Ҷумҳурии Тоҷикистон. mmk.tj. Маркази миллии қонунгузории назди Президенти Ҷумҳурии Тоҷикистон. 12 марти 2024 санҷида шуд.