Абдуллатифи Ҷомӣ
Абдуллати́фи Ҷомӣ (форсӣ: عبداللطیف جامی[1]; асри 16) — шоир ва сӯфии форс-тоҷик.
| Зодгоҳ: | Ҷом |
|---|---|
| Навъи фаъолият: | шоир |
| Забони осор: | порсӣ, туркӣ |
Зиндагинома
вироишДар зодгоҳаш шаҳри Ҷом таҳсил намуда, ба камол расидааст. Аз авлоди Аҳмади Ҷомӣ буд. Бино ба маълумоти сарчашмаҳо Абдуллатифи Ҷомӣ аз улуми мутадовили замон — адабиёт, фиқҳ, иншо, забони арабӣ ва ғайра баҳраманд гардида, дар муҳити худ шуҳрати зиёде доштааст. Барои такмили таҳсил ба кишварҳои Шарқ сафар карда, бо аҳли илму адаб ҳамсуҳбат шудааст. Дар як байташ мегӯяд:
- Дар сафар гаштану ин бесарусомонии мо,
- Баҳри ҷамъияти дилҳост парешонии мо.
Мувофиқи маълумоти тазкиранигори садаи XVI Хоҷа Ҳасани Нисории Бухороӣ («Музаккир-ул-аҳбоб») Абдуллатифи Ҷомӣ ба туркӣ низ шеър мегуфтааст. Абдуллатифи Ҷомӣ бо нигоштаҳои худ дар адабиёти тоҷики садаи XVI мақоми баланд дорад. Рубоии зерин аз ӯст:
- Хуршеди ҷамоли дӯст тобон шудааст,
- Олам зи фурӯғи ӯ гулистон шудааст.
- Ҳар зарра, ки дар кавну макон мебинӣ,
- Аз партави рӯи дӯст рахшон шудааст.
Эзоҳ
вироиш- ↑ عبداللطیف جامی - ویکیجو | دانشنامه آزاد پارسی. wikijoo.ir. 20 май 2024 санҷида шуд.
Адабиёт
вироиш- Абдуллатифи Ҷомӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.