Абдусаттор Саидов

Абдусаттор Саидов (Саидов Абдусаттор Самадович; зод. 1 апрел 1961, Пахтакор, ноҳияи Восеъ) — зистшинос, доктори илмҳои биология (2012), узви вобастаи АМИТ (2017).

Абдусаттор Саидов
Таърихи таваллуд	1 апрел 1961(1961-04-01) (62 сол)
Зодгоҳ	Пахтакор, деҳистони Худоёр Раҷабов, ноҳияи Восеъ, Вилояти Хатлон
Дараҷаи илмӣ:	доктори илмҳои биология[d]
Алма-матер	Донишгоҳи давлатии Хуҷанд

Зиндагинома

Абдусаттор Саидов 1 апрели соли 1961 дар деҳаи Пахтакори ноҳияи Восеъ ба дунё омадааст. Факултаи биологияи Донишгоҳи давлатии Хуҷандро дар соли 1983 хатм намудааст. Дар солҳои 1986—1990 аспиранти Институти зоология ва паразитологияи ба номи Е. Н. Павловскийи АМИТ буд.

Корнома

Ходими хурди илмӣ (1988—1995), ходими илмӣ (1995—1997), котиби илмӣ (1997—2002), ҷонишини директор доир ба корҳои илмӣ (2002—2003), директори Институти зоология ва паразитологияи ба номи Е. Н. Павловскийи АМИТ (2003—2015).

Саркотиби илмии АМИТ (2014—2017), Ноиби Президенти АМИТ, Раиси Шуъбаи илмҳои биология ва тибби АМИТ (аз соли 2017 то ҳол).

Фаъолияти илмӣ

Муаллифи беш аз 120 корҳои илмӣ, аз ҷумла 5 монография. Муҳаррири масъули нашри дуюми Китоби сурхи Ҷумҳурии Тоҷикистон (қисми ҳайвонот, 2015, 2017). Сармуҳаррири маҷаллаи «Ахбори Академияи илмҳои Ҷумҳурии Тоҷикистон. Шуъбаи илмҳои биология ва тиб» (аз соли 2017).

Ҷоизаҳо

Ба медали «20-солагии Истиқлолияти давлатии Ҷумҳурии Тоҷикистон» (2011), , нишони «Аълочии маорифи Тоҷикистон» (2015) қадрдонӣ шуда, барандаи Ҷоизаи байналмилалии Созмони ҳамкории иқтисодӣ (ЭКО) дар соҳаи илм ва технология (2017) мебошад.