Абдуҳамид Ҳомидов

Абдуҳамид Воҳидович Ҳомидов (1954, Душанбе) — доктори илми тиб (2002), профессор (2002).

Абдуҳамид Ҳомидов
Абдуҳамид Воҳидович Ҳомидов
Зодгоҳ	Душанбе, ҶШС Тоҷикистон ИҶШС
Кишвар	Тоҷикистон
Фазои илмӣ	тиб
Ҷойҳои кор	Беморхонаи клиникии ҷумҳуриявии №3, Маркази илмии ҷумҳуриявии ҷарроҳии дилу рагҳо ва сандуқи сина, Беморхонаи клиникии ёрии таъҷилии тиббии Душанбе, Донишгоҳи давлатии Уляновск, Маркази илмии ҷарроҳии дилу рагҳои ба номи А. Н. Бакулев
Дараҷаи илмӣ:	доктори илмҳои тиб
Унвонҳои илмӣ	профессор
Алма-матер	Маркази илмии ҷарроҳии дилу рагҳои ба номи А. Н. Бакулев, ИҶШС

Зиндагинома

Хатмкардаи факултаи муолиҷавии Маркази илмии ҷарроҳии дилу рагҳои ба номи А. Н. Бакулев (1977). Духтури интерни шуъбаи ҷарроҳии умумии Беморхонаи клиникии ҷумҳуриявии №3 (1977-1978), ҷарроҳи Беморхонаи клиникии ёрии таъҷилии тиббии Душанбе (1978-1982), ординатори клиникӣ (1982-1984) ва аспиранти Маркази илмии ҷарроҳии дилу рагҳои ба номи А. Н. Бакулеви АИТ Россия (1985-1988), духтури ҷарроҳи дили Маркази илмии ҷумҳуриявии ҷарроҳии дилу рагҳо ва сандуқи сина (1990-1996), дотсенти Донишгоҳи давлатии Уляновск (ш. Уляновски Россия; 1996-1997), докторант (1997-2000) ва ходими пешбари илмии шуъбаи ҷарроҳии нуқси модарзодии дил дар кӯдакони хурдсоли Маркази илмии ҷарроҳии дилу рагҳои ба номи А. Н. Бакулев.