Адамсит

Адамсит — HN(C6H4)2AsСl, хокаи кристаллии зард. Ҳарор. гуд. 195°С; дар об ҳал намешавад, дар бисёр ҳалкунандаҳои органикӣ бад ҳал мешавад; аз ҷиҳати химиявӣ устувор аст. Адамситро аз дифениламин (C6H5)2NH ва сехлориди арсен (марги муш) ё аз хлоргидрати дифениламин (C6H5)2NH•HCl ва ангидриди кислотаи арсенит As2O3ҳосил мекунанд. Адамсит роҳҳои болоии нафасро меангезад. Дар охири Ҷанги якуми ҷаҳонӣ чун моддаи заҳрнок барои истифода пешниҳод шуда буд.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.