Адам Абдуллоҳ Усмон

Адам Абдуллоҳ Усмон Даар (сумол. Aaden Cabdulle Cusmaan Daar ар. آدم عبد الله عثمان دعر‎; 9 декабри 1908 — 8 июни 2007) — сиёсатмадори Сумолӣ, аввалин президенти Сумолӣ (1960—1967).

Адам Абдуллоҳ Усмон
сумол. Aaden Cabdulle Cusmaan Daar
President of Somalia[d]
1 июл 1960 — 6 июл 1967
Ҷонишин	Abdirashid Ali Shermarke[d]
Таваллуд	9 декабр 1908(1908-12-09) Beledweyne[d], Italian Somaliland[d]
Даргузашт	8 июн 2007(2007-06-08) (98 сол) Найроби, Кения
Ҳизб	Somali Youth League[d]
Фаъолият	сиёсат
Эътиқод	ислом ва суннӣ
Ҷоизаҳо
Парвандаҳо дар Викианбор

Зиндагинома

Адам Абдуллоҳ Усмон соли 1908 дар шаҳри Гуган дар нохияи Беледвейн дар оилаи чупони бодиянишин ба дунё омадааст. Соли 1922 ӯро барои таҳсил ба мактаби ибтидоии шахри Байдоа фиристоданд, баъд ба Могадишо кӯчида, соли 1931 мактаби миёнаро хатм кард. Аз соли 1931 бойтори калон, баъд коргари идора шуда кор кард.

Дар соли 1941, вақте ки Сумолии Итолиё аз ҷониби артиши Бритониё ишғол карда шуд, ӯ хидматро тарк карда, ба Беледвейн баргашт ва ба тиҷорат машғул шуд. Дар моҳи феврали соли 1944 Абдуллоҳ Усмон ба маҳфили сумолиҳои ҷавон дохил шуда, котиби генералии Комитети сиёсии маҳфил таъин шуд. Пас аз он ки маҳфил ба Лигаи ҷавонони Сумолӣ (ЛҶС) табдил ёфт, Абдуллоҳ Усмон аъзои комитаи маҳаллии ҳизб ва соли 1946 котиби шӯъбаи маҳаллии ЛҶС дар вилояти Беледвейн шуд. Дар соли 1951 вай ба Шӯрои ҳудудии Сумолӣ ҳамчун намояндаи ЛҶС таъин шуд ва дар солҳои 1953—1956 ҷонишини раиси Шӯрои ҳудудӣ буд. Дар баробари ин дар соли 1954 Абдуллоҳ Усмон президенти Лигаи ҷавонони Сумолӣ интихоб шуд ва дар соли 1958 боз ба ин вазифа интихоб шуд.

Солҳои 1956 ва 1959 вай аз вилояти Беледвейн ба Ассамблеяи қонунгузории Сумолӣ интихоб шуд ва аз соли 1956 раиси Ассамблеяи қонунгузор буд. Вай дар ин мақом то 1 июли соли 1960, замоне ки Сумолӣ истиқлолият ба даст овард ва Абдуллоҳ Усмон аввалин президенти ин кишвар интихоб шуд .

Дар интихоботи соли 1967 вай аз рақиби худ Абдурашид Алӣ Шермарк мағлуб шуд. Хамин тавр, мухлати ваколати ӯ 10 июни соли 1967 ба охир расид.

Ӯ солҳои охири худро дар Ҷанале дар Сумалии Ҷанубӣ сипарӣ кард ва дар моҳи майи соли 2007 хабар дода шуд, кӣ ӯ вафот кардааст. Аммо, тавре ки баъдтар шарҳ дода шуд, ӯ дар беморхона дар ҳолати вазнин қарор дошт. Вай пас аз ду ҳафта дар Найробӣ 8 июни соли 2007 дар синни 98-солагӣ даргузашт.

Ҳукумати Сомалӣ 21 рӯз мотам эълон карда, маросими дафни давлатӣ эълон кард. Ба нишони эҳтиром ба фурудгоҳи байналмилалии Могадишо номи ӯ дода шуд.

Маълумот

• Адам Абдуллоҳ Усмон яке аз дарозумртарин сарони давлатҳо ва ҳукуматҳои собиқи ҷаҳон буд.

Адабиёт

• Аден Абдулла Осман (Люди и события) // Новое время. — М., 1960. — № 33. — С. 31.

Пайвандҳо

• Хабаргузории Reuters дар бораи марги нахустин президенти Сумолӣ хабар медиҳад(англ.) )