Алварес Луис Уолтер

Алварес Луис Уолтер (англ. Luis Walter Alvarez; 13 июни 1911, Сан-Франсиско – 1 сентябр 1988, Беркли) — физики америкоӣ, узви АИ ШМА (1947). Барандаи Ҷоизаи Нобел дар бахши физика (1968)

Алварес Луис Уолтер
англ. Luis Walter Alvarez
Таърихи таваллуд	13 июн 1911(1911-06-13)
Зодгоҳ	Сан-Франсиско
Таърихи даргузашт	1 сентябр 1988(1988-09-01) (77 сол)
Маҳалли даргузашт	Беркли
Кишвар	Кубо
Фазои илмӣ	физик
Ҷойҳои кор	Донишгоҳи Калифорния дар Берклӣ
Дараҷаи илмӣ:	Бакалаври илм[d] (1932), Master of Science[d] (1934) ва доктори фалсафа[d] (1936)
Алма-матер	Донишгоҳи Чикаго San Francisco Polytechnic High School[d]
Роҳбари илмӣ	Arthur Holly Compton[d]
Ҷоизаҳо	Collier Trophy[d] (1945) California Scientist of the Year[d] (1960) Albert Einstein Award[d] (1961) Michelson–Morley Award[d] (1965) honorary doctor of the University of Chicago[d] (1967) honorary doctor of Carnegie-Mellon University[d] (1968) National Inventors Hall of Fame[d] (1978) узви Ҷамъияти физикии Амрико[d] John Scott Award[d] (1952) Fellow of the American Academy of Arts and Sciences[d] honorary doctorate of the Autonomous University of Madrid[d]
Имзо
Парвандаҳо дар Викианбор

Солҳои фаъолият

Хатмкардаи Донишгоҳи Чикаго (1932). Аз соли 1936 дар Донишгоҳи Калифорния кор кардааст (аз соли 1945 дар вазифаи профессор). Ҳамзамон солҳои 1954 – 1959 ва 1976 – 1978 муовини сарвари Лабораторияи радиатсионии ба номи Э. О. Лоуренси шаҳри Беркли буд. Соли 1969 президенти Ҷамъияти физикони Америка интихоб шуд. Алварес дар соҳаи физикаи атом ва ядро, техникаи суръатфизоҳо, физикаи зарраҳои бунёдӣ, шуоъҳои кайҳонӣ, оптика ва радиолокатсия асарҳои илмӣ навиштааст. Соли 1937 табдилоти нави радиофаъол – ҳодисаи К-рабоиш (аз қабати К электронро рабудани ядро), соли 1939 элементи химиявии He-3-ро кашф кард. Ҳамроҳи Ф. Блох моменти магнитии нейтрони озодро муайян намуд (1940). Солҳои 1940 – 43 дар Донишгоҳи технологии Массачусет барои сохтани системаҳои радарӣ кор кард. Солҳои 1944 – 45 дар «лоиҳаи Манхэттен» (бунёди бомбаи атомӣ) иштирок намуд. Соли 1954 ҳубобкамераи моеии гидрогениро такмил дода, дар муқоиса (идентификатсия)-и зарраҳои атомӣ, аз ҷумла тритий кор фармуд. Соли 1960 зарраҳои устувори кӯтоҳумр – резонансҳоро кашф кард, ки барои ин кашфиёт соли 1968 сазовори Ҷоизаи Нобел гардид. Зарраҳои резонансии кӯтоҳумри мезонӣ ва бариониро кашф кард (1961). Алварес дар дигар соҳаҳои илм низ таҳқиқот бурдааст. Аз ҷумла соли 1965 дар Миср бо ёрии шуоъҳои кайҳонӣ дар аҳроми Хефрен (ш. Ҷиза) ҳуҷраҳои паноҳии ошкорнашударо ҷустуҷӯ карда ёфт.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.