Ангрен
Ангре́н (ӯзбекӣ: Angren, Ангрен — шакли вайроншудаи Оҳангарон) — шаҳр (1941—1946 шаҳраки Ангреншахтсрой) дар вилояти Тошканди Ҷумҳурии Ӯзбекистон.
| Шаҳр | |
| ӯзбекӣ: Angren, Ангрен | |
 | |
| 41°01′ с. ш. 70°08′ в. д.HGЯO | |
| Кишвар |
 Ӯзбекистон |
| Вилоят | Тошканд |
| Таърих ва ҷуғрофиё | |
| Таъсис | 1942 |
| Шаҳр аз | 1946 |
| Баландии марказ | 961 ± 1 м |
| Минтақаи замонӣ | UTC+5:00 |
| Аҳолӣ | |
| Аҳолӣ | 175 400[1] тан (2014) |
| Номи қавмӣ | ангренӣ, ангрениҳо |
| Забони расмӣ | ӯзбекӣ * |
| Шиносаҳои ададӣ | |
| Пешшумораи телефон | +998 7066 |
| Нишонаҳои почта | 110200 |
| angren.info | |
|
|
|
 Парвандаҳо дар Викианбор | |
Ҷуғрофиё
вироишБайни қаторкӯҳҳои Чатқол ва Қурама, дар соҳили чапи дарёи Оҳангарон воқеъ гаштааст. Аз А. роҳи автомобилгарди Тошканд — Қӯқанд мегузарад. Маркази саноати ангишти Ӯзбекистон.
Таърих
вироишСоли 1934 дар натиҷаи иктишофи геологӣ кони калони ангишт ёфт шуда, истихроҷи он соли 1942 шурӯъ гардид. Дар сохтмони Ангрен хатогӣ роҳ дода шуда, баъдтар маълум гардид, ки он болои кон ҷой гирифтааст ва зарурати ба дигар ҷой кӯчондани шаҳр пеш омад. Соли 1956 шаҳри нав 7—8 км дуртар аз Ангрени пештара, дар ҷойи аз ангишт холишудаи мавзеъ бино ёфт.
Аҳолӣ
вироишШумораи аҳолӣ то 1 январи соли 2013 172 880 нафар буд, ки аз онҳо 73 % (126 247 нафар) ӯзбекон, 17 % (28 653 нафар) тоҷикон, 5 % (8282 нафар) куриёиҳо, 3 % (4621 нафар) русҳо ва камтар аз 1 % (1284 нафар) тоторҳо буданд.
Саноат
вироишКорхонаҳои калонаш: комбинати «Ӯзбеккӯмир» (Ангишти ӯзбек), Комбинати маъдантозакунии «Каолин» (корхонаи муштарак бо Германия), заводҳои истеҳсол ва таъмири таҷҳизоту техникаи саноати кӯҳӣ, конструксияҳои оҳанубетонӣ, семент, асфалт, металлҳои ранга. Дар Ангрен корхонаҳои саноати сабук ва хӯрокворӣ (комб. орд ва нонпазӣ), ҷамъиятҳои саҳҳомии «ӯзбекнефтегаз», «Ангренкулол», «Ӯзбекрезинатехника», «Ангрензот» низ ҳастанд. Ду нерӯгоҳи барқии ноҳиявӣ бо гази маҳаллӣ кор мекунад. Дар Ангрен ягона дар мамлакат пойгоҳи зеризаминии истеҳсоли гази ангишт (бо усули пиролиз) фаъолият дорад.
Илму фарҳанг
вироишДар Ангрен филиали Донишкадаи педагогӣ, Донишгоҳи давлатии техникии Тошканд, техникумҳои кӯҳкорию геологӣ, сохтмон, омӯзишгоҳи тиббӣ, коллеҷи хидмати маишӣ, осорхонаи таъриху кишваршиносӣ мавҷуданд.
ВАО
вироиш«Ангрен ҳақиқати», «Агренская правда», ширкати телевизион ва радиои «Орион-ТВ».
Эзоҳ
вироиш- ↑ 1.0 1.1 Статистический буклет “О населении языком цифр” Бойгонӣ шудааст 14 октябри 2014 сол.
Сарчашма
вироиш- А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.
.png){kind=small}
|
Ин мақолаи нопурра аз ҷуғрофияи Ӯзбакистон мебошад. Шумо метавонед бо пурра кардани ин ба Википедия кумак кунед. |