Атсефат

Атсефат (C₄H₁₀NO₃PS) — як навъ инсектисид. Ҳарорати гудозишаш 92-93°С, зичиаш 1,4 г/см³; дар об ҳал мешавад. Барои маҳв кардани ҳашароти зараррасон, аз қабили ширинча, кирмаки пулакчаболҳо, малах ва ғайра атсефатро ба зироат, дарахтони мевадор (аз ҷумла рустаниҳои ситрусӣ), ток, финдиқи заминӣ, зайтун, соя, пахта, лаблабу, картошка, шолӣ, тамоку, рустаниҳои ороишӣ ва ғайра мепошанд. Давомнокии таъсири атсефат 10-21 шабонарӯз аст.

Адабиёт

• Крамаренко В. Ф. Токсикологическая химия. К., 1990;
• Физер П., Физер М. Органическая химия. М., 2009.

Сарчашма

• Атсефат // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.