Баҳодур Ягона
Баҳодури Ягона (форсӣ: بهادر یگانه, мутахаллис ба Ягона; 1922, Қазвин, Эрон — 1984, Теҳрон, Эрон) — шоир, таронасаро ва ҳуқуқдони эронӣ аст[1].
 | |
| Таърихи таваллуд: | 1922 |
| Зодгоҳ: | |
| Таърихи даргузашт: | 1984 |
| Шаҳрвандӣ (табаият): | |
| Навъи фаъолият: | шоир, таронасаро |
| Забони осор: | форсӣ |
Ӯ аз чеҳраҳои мусиқии Эрон аст, ки бо халқи таронаҳое бебадал саҳм басазое дар шукуфоии мусиқии суннатии эронӣ дорад. Таснифҳои хотираангез ва зебои «Расвои замона» ва «Рози дил» аз ҷумла шоҳкорҳои таронасароии ӯст, ки хонандагони бисёре токунун аз он илҳом гирифтаанд.
Зиндагинома
вироишБаҳодури Ягона пас аз поён расондани таҳсилоти миёна дар вазорати кишвар истихдом шуд ва бо идомаи таҳсил аз Донишкадаи ҳуқуқ фориғуттаҳсил гардид. Вай пас аз чанде ба адабиёт алоқаманд шуд ва то мадраки дуктур пеш рафт.
Ягона дар устондории устони Форс солиёне машғул ба хидмат шуд то ин, ки дар соли 1343 аз Шероз ба Теҳрон раҳсипор шуд ва бо таронасароӣ ба ҳамкории Шӯрои мусиқии родию ва барномаи родиюии «Гулҳо» пардохт, ин фаъолият то поёни давраи паҳлавӣ дар соли 1357 идома ёфт.
Филми «Духтари фолгир» ба коргардони Сирус Ҷарроҳзода ва бо бозиии Сирус Шондирмунӣ, бо филмноманависии Баҳодури Ягона буд, ки дар соли 1351 нотамом монд ва ҳаргиз пахш нашуд[2].
Ӯ муқаддимае низ бар девони Алӣ Уштурӣ мутахаллис ба «Фарҳод» нигоштааст.
Устод Баҳодури Ягона соли 1984 дар 62 солагӣ дар Теҳрон дида аз ҷаҳон фурӯ баст.
Осор
вироишАксар таронаҳои Баҳодури Ягона машҳур ва хосс ҳастанд ва ҷузви осори мондагор ва бартари мусиқии килоссики Эрон ба шумор меоянд, ки тавассути хонандагони саршиноси он даврон бо оҳангсозии Ҳумоюни Хуррам, Анушервон Рӯҳонӣ, Атоуллоҳи Хуррам, Асадуллоҳи Малик, Ҷавод Лашкарӣ, Аҳмад Зоҳир ва дигарон иҷро шуданд.
Расвои замона
вироишТаснифи «Расвои замона» яке аз маъруфтарин таронаҳои вай мебошад, ки Илоҳа бо иҷрои он ба родию роҳ ёфт ва боиси машҳур шудани ин хонанда ва таронасароии он гардид. Ин тарона токунун тавассути хонандагони дигар чун Марзия, Ҳоида, Маҳастӣ, Шакило, Ҷаҳон, Муҳаммадризо Шаҷариён, Бобаки Родманиш ва дигарон бозхонӣ шудааст. Дар соли 1392 Алиризо Қурбонӣ дар олбуме бо номи «Расвои замона» иҷрое ба ёдмондании дигар аз ин таснифи зебо мунташир кард.
Рози дил
вироишМатни таснифи «Рози дил», ки дар дастгоҳи Ҳумоюн, бо мояи овоз ё биёти Исфаҳон ва оҳангсозии Ҳумоюни Хуррам навохта шуд ва аввалин бор тавассути Илоҳа иҷро гардид ва сипас бо садои Ҳоида ва ҳамчунин Алиризо Қурбонӣ бозхонӣ шудааст:
«Эрони ман», «Ҷаҳони гузарон», «Лолаву гул», «Мавҷи оташ», «Ҷудоӣ», «Сароб», ва ғайра аз дигар осори мондагори Баҳодури Ягона ҳастанд, ки тавассути Илоҳа, Маҳастӣ, Шаҳлои Саршор, Парвин, Насрин, Эраҷ ва дигарон иҷро шудаанд.
Эзоҳ
вироиш- ↑ راسخون. بهادر یگانه(форсӣ). راسخون. 4 июли 2018 санҷида шуд. Баргирифта аз сарчашмаи аввал 7 июли 2018.
- ↑ filcin.com. بیوگرافی کامل بهادر یگانه | فیلسین(форсӣ). filcin.com. 4 июли 2018 санҷида шуд.(пайванди дастнорас)