Бурҳон Сайдуллоҳи Машшоқ
Бурҳон Сайдуллоҳи Машшоқ (Сайдуллоҳи Хонанда, с. тав. 1886, ноҳияи Оҳалики Самарқанд, с. ваф. 1943, Самарқанд) - навозанда, сарояндаи тоҷик. Давраи омӯзишӣ, ҳунарандӯзӣ ва фаъолияти Бурҳон Сайдуллоҳ дар ш. Самарқанд аз Устод Роҳмибердии танбӯрӣ, Ҳоҷӣ Абӯлазиз ва дигарон асосҳои амалии мақомхонӣ, созандагиро меомӯзад. Ӯ дар мактаб ва сабки иҷроии Самарқанд як падидаи нав маҳсуб шуда, дар ҷараёни шоха, гӯшаҳои созию овозии «Шашмақом» «Ушшоқ», «Дугоҳ», «Чапандози Наво», «Ироқи Бухоро», «Соқиномаи Ироқ», «Савти Сабо», «Талқинчаи Баёт» ва «Орази Наво» маҳорати баланди иҷроӣ ба харҷ додааст. Дар таҷдиду такмили бахшҳои созии мақомҳо («мушкилот») ҳам корҳои зиёде-ро анҷом дода, ин тозакориҳои иҷроияш дар до-ираҳои ҳунарии Самарқанд ва берун аз он пазируфтаанд. Бурҳон Сайдуллоҳ табъи хуби шеъргӯӣ ҳам дошта, ғазалро некӯ гуфта ва дар заминаи офаридаҳояш оҳангҳои марғуб ҳам сохта аст.
Адабиёт вироиш
Таджикская музыка, Душ., 2003; Энциклопедияи адабиёт ва санъати тоҷик, ҷ. 1. Душанбе, 1988.[1]
Ҳамчунин нигаред вироиш
Сарчашма вироиш
- ↑ Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. – Душанбе, 2009. - с. 48 ISBN 978-99947-49-13-3