Вадуз

Bадуз (Vaduz), Вадутс — шаҳр, пойтахти қадимии Лихтенштайн, дар водии дарёи Рейн, дар доманаи қ-кӯҳи Ретикон. Аҳолиаш 5400 нафар (2011). Соли 1342 бунёд шудааст. То соли 1719 маркази графии ҳамном буд. Соли 1499 онро шведҳо хароб карданд. Соли 1712 ба маркази сулолаи Лихтенштайн табдил ёфта, аз соли 1938 қароргоҳи князии Лихтенштайн буд. Маркази молиявӣ ва тиҷоратии мамлакат аст. Дар Bадуз (Вадутс) асбобсозии дақиқ, саноати хӯрокворӣ (аз ҷумла шаробпазӣ), нассоҷӣ ва ҳунармандӣ ривоҷ ёфтааст. Дар Bадуз биноҳои камошёнаи садаи XIX–20, аз ҷумла, иморатҳои бо санги сафед ва бомпӯшҳои сафолӣ сохташуда бисёранд. Дар наздикии Bадуз (Вадутс) ф-каи бузургтарини истеҳсоли дандонҳои сунъӣ (аз чинӣ) мавҷуд аст. Боғҳои бисёр дорад. Осорхонаҳои миллӣ, санъати муосир, давлатӣ, осорхонаи почтавӣ, нигористони миллии мусаввараҳо, бонкҳо дорад. Осори меъморӣ; қалъа (асри 9), калисо (1869–73), хонаи ҳукумат (1903–05). Маркази сайёҳӣ ва туризми мамлакат аст.

Маҳалли аҳолинишин
Вадуз
олмонӣ: Vaduz
Парчам Нишон
Кишвар	[[|]]
Роҳбар	Petra Miescher[d]
Таърих ва ҷуғрофиё
Таъсис	1150
Масоҳат	17,3 км²
Баландии марказ	455 ± 1 м
Минтақаи замонӣ	UTC+1[d]
Аҳолӣ
Аҳолӣ	▲5 668 тан (30 июн 2019)
Забони расмӣ	олмонӣ
Шиносаҳои ададӣ
Нишонаи почта	9490
Коди мошин	FL
vaduz.li​(олмонӣ)
Парвандаҳо дар Викианбор

Адабиёт

• Энциклопедияи советии тоҷик. Ҷ. 1. Д., 1978;
• Новая российская энциклопедия. Т. III (2). М., 2007.

Сарчашма

• Bадуз // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.