Вазар
Вазар, Вадор — рустое дар шимоли Суғд, ки ҳамсарҳадди деҳаи Кабузанҷкас буд. Истахрӣ В.-ро аз деҳкадаҳои Кабузанҷкас мешуморад. В., ба қавли Ҷайҳонӣ, дар дуфарсангии Самарқанд ҷойгир буд. В., асосан, мас кани қабилаҳои араби Бакр ибни Воил маҳсуб мешуд, ки эшон ба номи «Сабоия» маъруф гардида буданд. Ба андешаи Бартолд қабилаи мазкур барои он унвони Сабоия гирифта буд, ки шахсе аз Самарқанд бо номи Абдумузоҳим Сабоъ (фавт 882) дар В. масҷиди ҷомее бунёд карда буд. Заминҳои В. лалмӣ буда, дар он киштзорҳои бисёр вуҷуд доштанд. Ҳунармандони В. порчаҳои матоъи нафис мебофтанд, ки ҳатто дар Ироқ низ шуҳрати зиёд доштанд.
Маҳалли аҳолинишин | |
Кишвар | [[|]] |
---|---|
Таърих ва ҷуғрофиё |
Эзоҳ вироиш
Адабиёт вироиш
- Бартольд В. В. Сочинения. Т. 1. М., 1963;
- Абдуллоев С. Ҷуғрофиёи таърихии давлати Сомониён. Хуҷанд, 2001;
- Абдуллоев С. Фарҳанги Сомониён. М., 2001;
- Донишномаи Сомониён. Ҷ. 1. Хуҷанд, 2008.
Сарчашма вироиш
- Вазар / А. Ҳасанов // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.