|
== Зиндагинома ==
Ғаниев Изатулло Наврӯзович, 19 марти соли 1948 дар деҳаи Вешканди ноҳияи Айнӣ, вилояти Суғд, Ҷумҳурии Тоҷикистон дар оилаи хизматчӣ ба дунё омадааст. Соли 1965 баъди хатми мактаб — интернати № 1-и ноҳияи Айнӣ бо медали тиллотило ба факултаи механикаю технологии Донишкадаи политехникии Тоҷикистон дохил шуда, баъди хатми курси дуюм ба Донишкадаи химиявӣ-технологии ш. Қазон барои идомаи таҳсил фиристода шудааст. Донишкадаи номбаршударо соли 1970 аз рӯи ихтисоси «Технологияи химиявии моддаҳои ғайриорганикӣ ва нӯриҳои минералӣ» хатм намудааст. Баъди хатми донишкада барои кор ба Корхонаи кӯҳӣ-маъдании Анзоб фиристода шуда, ки дар вазифаҳои лаборант, назоратчӣ, устои калони шӯъбаи техникӣ фаъолият намудааст. Соли 1971 ба шӯъбаи рӯзонаи аспирантураи Институти химияи АИ Ҷумҳурии Тоҷикистон дохил шуда, баъди хатми аспирантура дар Институти химия дар вазифаҳои лаборанти калон, корманди хурд ва калони илмӣ то соли 1981 фаъолият намудааст. Соли 1981 ба вазифаи мудири лабораторияи «Маводҳои ба коррозия устувор» аз тариқи озмун интихоб шуда ва то имрӯз дар ин вазифа фаъолият дорад. Соли 1976 дар Институти металлургия ва бойгардонии АИ Ҷумҳурии Қазоқистон рисолаи номзадиро аз рӯи ихтисоси «Металлургияи металлҳои ранга» дифо намуда, дараҷаи номзади илмҳои техникиро соҳиб шудааст. Соли 1991 дар Институти химияи АИ Ҷумҳурии Узбекистон рисолаи докториро аз рӯи ихтисоси «Химияи ғайриорганикӣ» дифо намудааст. Соли 1994 аз тарафи КОА-и ФР ба ӯ унвони «профессор» аз рӯи ихтисоси номбурда дода шудааст. Аз соли 1996 то соли 2000 дар вазифаи муовини директор оид ба илм дар Институти химия АИ ҶТ фаъолият дошт. Солҳои 2002—2003 дар вазифаи муовини Саркотиби АИ Ҷумҳурии Тоҷикистон кор кардааст. Аз соли 2005 то 2010 дар вазифаи академик — котиби Шӯъбаи илмҳои физикаю математика, химия, геология ва техникаи АИ Ҷумҳурии Тоҷикистон фаъолият кардааст. Аз соли 2007 то соли 2012 дар вазифаи мудири кафедраи «Технологияи истеҳсолоти электрохимиявӣ» ҳамчун ҳамкор фаъолият намудааст. Аз соли 2013 то имрӯз дар вазифаи профессор-мушовир ҳамчун ҳамкор дар кафедраи номбаршуда фаъолият дорад.
== Фаъолияти илмӣ ==
* Корманди шоистаи Ҷумҳурии Тоҷикистон, ш. Душанбе (с. 1995)
* Аъзои Академияи улуми Ню-Йорк (с. 1996)
* Медали тиллоиитилоии калони номсикказадашудаи Созмони умумиҷаҳонии нерӯи зеҳнӣ (WIPO) (с. 1997)
* Узви вобастаи Академияи илмҳои Ҷумҳурии Тоҷикистон (с. 1997)
* Аълочии маорифи Ҷумҳурии Тоҷикистон, ш. Душанбе (с. 1998)
* Ҷоизаи давлатии Ҷумҳурии Тоҷикистон ба номи Абӯалӣ ибни Сино дар соҳаи илм ва техника, ш. Душанбе (с. 2001)
* Одами сол аз тарафи Комиссияи америкоии биографҳо (с. 2001)
* Медали тиллотило ва дипломи Созмони байналмилалии давлатҳои исломӣ дар бахши илм, технология ва фарҳанг (ISESCO) (с. 2003)
* Узви пайвастаи (академик) Академияи илмҳои Ҷумҳурии Тоҷикистон (с. 2008)
* Мукофот ва Ҷоизаи Академияи илмҳои Ҷумҳурии Тоҷикистон ба номи академик С. У. Умаров дар соҳаи илмҳои физикаву математика, химия, геология ва техникӣ ш. Душанбе (с. 2015)
{{эзоҳ}}
{{Cite web|url=https://www.livelib.ru/author/890702/latest-izatullo-ganiev|title=Изатулло Ганиев — новые книги|author=|website=www.livelib.ru|date=|publisher= |lang=tg|accessdate=2019-01-04}}
[[Гурӯҳ:Олимони Тоҷикистон]]
[[Гурӯҳ:Кимиёшиносони Тоҷикистон]]
| 