Пётр Галперин: Тафовут байни таҳрирҳо

Хатмкардаи Ун-тиУниверситети тиббии Харков (1926). Солҳои 1926-41 корманди Академияи психоневрологии Харков, омӯзгори мактабҳои олии Харков ва Донеск буд, дар корҳои гурӯҳи равоншиносони Харков (А. Н. Леонтев, А. В. Запорожес, Л. И. Божович, П. И. Зинченко, В. И. Аснин) фаъолона ширкат дошт. Солҳои 1941-43 дар Артиши Сурх сардори қисми муолиҷавии ҳоспиталҳои тахлиявӣ буд. Дотсент, проф. (аз соли 1966), мудири кафедраи равоншиносии синнусолии факултаи равоншиносӣ (1971) ва аз соли 1983 проф. — мушовири Ун-тиУниверситети давлатии Маскав ба номи М. В. Ломоносов. Г. равандҳои рӯҳиёт (психика)-ро ҳамчун намуди махсуси фаъолияти тахминӣ баррасӣ намуда, зимни он хусусиятҳои азхуднамоии таҷрибаи ҷамъиятиро аз ҷониби кӯдак ошкор кардааст. Ӯ усулҳои ташхиси тафриқавии инкишофи ақлии кӯдакро кор карда баромада, дар баробари ин роҳҳои ислоҳкунии қафомониро дар азхудкунии дониш, маҳорат ва малака дар талабагон муайян кардааст. Таҳқиқоти Г. дар асарҳои ӯ «Натиҷаҳои асосии таҳқиқи масъалаи ташаккули амалҳои фикрӣ ва мафҳумҳо» (1965), «Психологияи тафаккур ва таълимот доир ба ташаккули амалҳои фикрӣ» (1970), «Муқаддимаи психология» (1975) инъикос ёфтаанд.