Гулҷом

Гулҷом (форсӣ: گلجام‎) — дар ҳунари ороишию амалӣ шишаҳои чандранг, ки дар ороиши равзанаву тирезаву деворҳо истифода мешаванд. Корбурди гулҷом аз қадим дар кишварҳои Шарқ роиҷ буд. Ин навъи ороиш имрӯз ҳам дар биноҳои маъмуриву кохҳои фарҳангӣ истифода мешавад. Аз ин навъи ороиш дар биноҳои Донишгоҳи миллии Тоҷикистон, Филармонияи давлатии Тоҷикистон истифода кардаанд.