Шаҳриёр Давлатов

Овозхони тоҷик
(Тағйири масир аз Давлатов Шаҳриёр)

Шаҳриёр Давлатов (Давлатов Шаҳриёр Нусратович; 7 сентябри 1991, ноҳияи Вахш) — овозхони мусиқии попи тоҷик.

Шаҳриёр Давлатов
Таърихи таваллуд 7 сентябр 1991(1991-09-07) (32 сол)
Зодгоҳ ноҳияи Вахш, Хатлон, Тоҷикистон
Пеша(ҳо) овозхон

Зиндагинома вироиш

Шаҳриёр Давлатов 7 сентябри соли 1991 дар ноҳияи Вахши вилояти Хатлон таваллуд шудааст. Дар баробари маълумоти миёна, маълумоти мусиқӣ низ гирифтааст. Бо фортепиано мусиқӣ навохта метавонад. Шаҳриёр фаъолияти ҳунарияшро дар 21-солагияш оғоз намудааст. Бештар дар тӯю маъракаҳо сурудхонӣ карда маҳбубият пайдо кардааст. Аввалин суруде, ки ӯ сароидааст «Ҳабиби ман» мебошад. Клипвидеоҳо ва сурудҳои сароянда дар рейтинги канали Tamoshow баланд мебошад. Соли 2014 ӯ сурудҳои «Суруди нави ман», «Ошики», «Марав аз ман», «Марҳамат»-ро сабт намуд.

Соли 2015 композитсияҳои нави Давлатов дар Интернет пайдо шуданд: «Моҳира», «Одамон», «Мӯъҷизаҳо», «Қасам», «Дили ман». Шаҳриёр мусиқии миллӣ бо ритми ҳозиразамон меписандад. Муваффақияти ӯ соли 2015 барои суруди «Зиндагӣ», дучанд гардид. Дар видеоклип, ду дӯстдошта мобайни биёбон наметавонанд вохӯранд, ки ҳамдигарро мехоҳанд.

Соли 2016 бо ӯ як ҳодисаи ғайриоддӣ рух дод. Духтари хурдакаке Сумая дар телевизор Шаҳриёрро дида, ӯро ҳамчун падари худ гумон намудааст, ки дар ин вақт падари ӯ ба сафи террористони ба ном давлати исломӣ дар Сурия пайваста буд. Бо исрори хешовандони Сумай Шаҳриёр ба назди кӯдак рафт то духтарро хурсанд кунад. Кӯдак исрор карда гуфт, ки акнун намехоҳад бо падари худ ҷудо шавад ва пайваста сурудҳои ӯро гӯш кунад. Дили овозхонро ин вохӯрӣ такон дод. Пас аз боздид Давлатов фикр кард, ки кӯдакро ҳамроҳи худ бигирад. Аммо падари худи духтар аз амали хешовандон ва Шаҳриёр норозӣ шуд ва ташрифи Шаҳриёрро таҳқир номид.

Соли 2017 Давлатов мухлисонро бо навгониҳои мавсим — сурудҳои «Авалину охиринам» ва «Бас бас» шод кард.

Овозхон инчунин нусхаи нави клипвидеоеро барои суруди «Зиндаги», пешниҳод кард. Ин дафъа сабти видеои Давлатов ҳангоми сафари ӯ ба ятимхона бо кӯдакони маъюб ба навор гирифта шуд. Таҳияи клип бо сифати нав садо дод. Ҷолибияш дар он буд, ки дар аробача наврасони маъюбӣ баъзан дар якҷоягӣ бо ҳунарманди дӯстдоштаашон месароянд ва чанде дар бораи мушкилоти мавҷуда фаромӯш мекарданд. Шаҳриёр мунтазам чунин боздидҳоро барои мақсадҳои хайрия анҷом медиҳад ва сароянда аксар вақт дар хона ҳунарнамоӣ мекунад.

25 майи соли 2017 дар Филармонияи давлатии Тоҷикистон консерти тантанавии ӯ баргузор гардид. Соли 2018 ба мухлисони Шаҳриёр имкон дод, ки боз садои ӯро бо суруди «Қисмат», бишнаванд. Тибқи нақша, арӯси қаҳрамони асосӣ ҳангоми туй вафот мекунад, аммо тақдири ҷавон ба ӯ боз як имконият дод. Ҳангоми моҳидорӣ вай духтареро наҷот медиҳад, ки аллакай дар дарё ғарқ шудааст. Дар байни ҷавонон эҳсоси муҳаббат пайдо мешавад.

Ҳаёти шахсӣ вироиш

Шаҳриёр бори аввал оиладор шуда, дар муддати кӯтоҳ аз ҳам ҷудо шудаанд. Ӯ бори дуввум издивоҷ намудааст.

Моҳи августи соли 2020, кормандони мақомоти милисияи шаҳри Душанбе, Шаҳриёр Давлатовро бо ҳаммаслаконаш дастгир намуданд. Сабаби дастгир кардани онҳо, дар YouTube — шабакаи овозхон навор (пранк)-е пайдо шуд, ки дар ҳолати вайрон намудани тартиботи ҷамъиятӣ ба навор гирифта шудааст ва дар навор бадахлоқиву суханҳои қабеҳ нишон дода шудааст. Бо қарори Суд, овозхон ба муҳлати 10 шабонарӯз аз озодӣ маҳрум карда шуд[1].

Сурудҳо вироиш

  • Қадри зиндагонӣ;
  • Моҳира;
  • Дили ман;
  • Марав аз ман;
  • Ҳабиби ман;
  • Суруди ман;
  • Ошиқӣ;
  • Марҳамат;
  • Одамон;
  • Ҷудоӣ;
  • Қасам;
  • Авалину охиринам;
  • Бас — бас…

Эзоҳ вироиш

Пайвандҳо вироиш