Зебо Қосимова

Зебо Абдулҳакимовна Қосимова (16.06.1930, гуз. Чорраҳаи шаҳри Самарқанд) — омӯзгор, дорандаи нишони «Аълочии маорифи Тоҷикистон» (1998).

Зиндагинома

Зебо Абдулҳакимовна Қосимова 16.06.1930 дар гузари Чорраҳаи шаҳри Самарқанд ба дунё омадааст. Соли 1930 бо аҳли оила ба шаҳри Сталинобод (ҳоло – шаҳри Душанбе) кӯчида омадааст. Дар мактаби миёнаи №1 шаҳри Сталинобод хондааст (1937-1947). Техникуми педагогии занонаи шаҳри Сталинобод (1951), факултети забон ва адабиёти русии ИПС ба номи Т.Г. Шевченко (ДОТ ба номи Т.Г. Шевченко)-ро хатм кардааст (1955). Лаборанти калони Институти забон ва адабиёти ба номи Рӯдакии АИ Тоҷикистон (1955-1958). Соли 1959 ба кори китобхонаи Донишгоҳи давлатии Тоҷикистон ба номи В.И. Ленин (УДТ ба номи В.И. Ленин) гузаштааст (1959-1961). Муаллим, муал. калони кафедраи забони русии Донишгоҳи давлатии Тоҷикистон ба номи В.И. Ленин (УДТ ба номи В.И. Ленин)(1961-2006).

Муаллифи зиёда аз 40 номгӯй маводи таълимӣ ва ҳаммуаллифи 13 номгӯй дастури илмию методӣ, аз ҷумла:

«Масъалаҳои методика ва психологияи таълими забони русӣ дар мактабҳои миёнаи тоҷикӣ» (Д., 1973),
«Маҷмӯаи матнҳо барои нақли хаттӣ» (Д., 1977),
«Дастури методӣ доир ба курси амалии забони русӣ дар донишкадаҳои олии ғайризабонӣ», қ. 1( Д.,1983),
«Супоришҳои таълимӣ аз грамматика дар курсҳои амалии забони русӣ» (Д.,1988),
«Забони русӣ». Китоби дарсии усули илмии баён барои донишҷӯёни соҳаи физика (Д., 2006),
«Забони русӣ». Китоби дарсии усули илмии баён барои донишҷӯёни соҳаи риёзиёт (Д., 2007) ва ғ.

медали «Ветерани меҳнат» (1988) ва Ифтихономаҳои Фахрии соҳавӣ мукофотонида шудааст

.