Open main menu

Зебуниссо Рустамова

(Тағйири масир аз Зебуннисо Рустамова)

Зебинисо Рустамова (Рустамова Зебинисо Сангиновна; 29 январи1955, Душанбе, ҶШС Тоҷикистон) — ифтихори варзиши тоҷик аз рӯи тирпаронӣ аз камон, устоди дараҷаи байналхалқии варзиш, довари хизматнишондодаи Ҷумҳурии Тоҷикистон, дорандаи ҷоизаи биринҷии Бозиҳои XXI олимпӣ (17 июл — 1 августи соли 1976, Монреал).

Зебуниссо Рустамова
Zebiniso Rustamova.jpg
Иттилооти инфиродӣ
Ҷинс

зан

Номи пурра

Рустамова Зебинисо Сангиновна

Шаҳрвандӣ

 TJK,  RUS

Тахассус

Устоди хизматнишондодаи варзиши ИҶШС

Бошгоҳ

Ҷамъияти варзишии «Динамо»

Санаи таваллуд

29 январ 1955(1955-01-29) (64 сол)

Зодгоҳ

Душанбе, ҶШС Тоҷикистон

ЗиндагиномаВироиш

Зебинисо Сангиновна Рустамова, 29 январи соли 1955 дар шаҳри Душанбе таваллуд шудааст. Имрӯз шаҳрванди ду давлати мустақил Тоҷикистон ва Русия мебошад.

Зебинисо дар варзишВироиш

Аз бародари худ Ҳомидҷон ва тағояш Абдуқодир Зебуниссо фаҳмид, ки дар майдони «Динамо» шӯъбаи нави варзиши — тирпарони аз камон ифтитоҳ ёфтааст. Духтар қарор дод, ки қувваи худро санҷад, зеро тамошои он дар майдони футбол, ки дар он беҳтарин аз беҳтаринҳои ҷумҳури машқ мекарданд, мафтун сохта буд. Нишонаҳои равшан, ки ба он тирҳои тез мехалиданд, диққати ӯро ҷалб намуданд.

Мусобиқаҳои аввалин дар шаҳри Тула гузашта, ба рӯи Зебинисо дар варзиши калон роҳ кушод. Баҳор дар мусобиқаҳои умумииттифоқии тирпаронони ҷамъияти «Динамо», ки дар Сухуми баргузор гардид, ӯ меъёри Устоди варзиши ИҶШС-ро иҷро кард. Дар мусобиқаи мамлакат, ки дар Кишинёв аз рӯи тирпарони аз камон мегузашт, дар масофаи 50 метр Зебинисо ҷоизаи нуқраро ба даст овард, дар масофаи 70 метр бошад, дар муборизаи шадид медали тиллоро соҳиб шуд. Дар Алушта ҳамаи тирҳои ӯ ба маркази доира расиданд. Дар машқи М-2 ӯ 2233 хол гирифт, шумораи холҳо аз меъёри Устоди варзиши дараҷаи байналхалқӣ болотар рафт.

Ширкат дар Бозиҳои XXI олимпӣ дар соли 1976 дар Монреал (Канада) ба ӯ ҷоизаи биринҷиро дод. Ҳоло ӯ таблиғотчии фаъоли на танҳо варзиш, балки ҳаракати олимпӣ дар Ҷумҳурии Тоҷикистон маҳсуб мегардад.

МанбаъВироиш

ПайвандҳоВироиш