Зуҳр

Зуҳр (ар. ظهر‎ ‒ нисфирӯзӣ, нимрӯз), нимрӯз — фосилаи замонии байни қиём ва завол.

Зуҳр замоне фаро мерасад, ки Офтоб нимае аз сайри рӯзонаи худро аз тулуъ то ғуруб тай карда бошад. Вобаста ба ҷойгиршавии ҷуғрофиёӣ дар бархе минтақаҳо соя маҳв гашта, Офтоб аз баландтарин нуқтаи худ дар осмон (байни осмон) ба сӯи мағриб мойил мешавад. Субҳ ҳангоми баромадани Офтоб, сояи он ба тарафи мағриб меафтад ва баробари болотар рафтанаш ин соя камтар мешавад. Ҳангоме ки сояи ҳар чиз ба охирин дараҷаи косташавӣ расид, вақти Зуҳр оғоз мегардад ва чун соя рӯ ба машриқ ниҳод, замони Зуҳр аст.

Нигаред низ

• Намози зуҳр

Адабиёт

• Зуҳр / С. Наимӣ // Замин — Илля. — Д. : СИЭМТ, 2018. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 7). — ISBN 978-99947-33-89-9.