Маҳмуд Ҷибрил
Маҳмуд Ҷибрил Варфаллӣ (арб ар. محمود جبريل الورفلي , ( Подшоҳии Либиё, 28 майи 1952 - 5 апрели 2020) — сиёсатмадори Либиё, Сарвазири Шӯрои миллии муваққатии Ҷумҳурии Либиё аз 23 март то 20 октябри соли 2020.
| ар. محمود جبريل | |
 | |
| 5 март 2011 — 23 октябр 2011 | |
| Пешгузашта | Бағдодӣ Алӣ Маҳмудӣ |
| Ҷонишин | Алӣ Тарҳунӣ |
| 5 март 2011 — 22 ноябр 2011 | |
| Пешгузашта | Абдулотӣ Убайдӣ |
| Ҷонишин | Ashour Bin Khayal[d] |
| Таваллуд |
28 май 1952 |
| Даргузашт |
5 апрел 2020[1][2] (67 сол) |
| Ҳизб | |
| Таҳсилот | |
| Эътиқод | ислом |
| Ҷойҳои кор | |
 Парвандаҳо дар Викианбор | |
Зиндагинома
вироишМаҳмуд Ҷибрил соли 1952 дар Либиё дар оилаи қабилаи Варфалла таваллуд шудааст . Ба навиштаи The Daily Telegraph, зодгоҳи ӯ шаҳри Бани Валид аст. Вай соли 1975 факултаи иқтисод ва сиёсатшиносии Донишгоҳи Қоҳираро бо дараҷаи бакалавр хатм кардааст. Соли 1980 дар Донишгоҳи Питтсбурги Пенсилвания (ИМА) дараҷаи магистрро дар соҳаи сиёсатшиносӣ гирифтааст.
Ӯ соли 1984 дар ҳамин донишгоҳ дар риштаи банақшагирии стратегӣ ва қабули қарорҳо унвони докториро гирифтааст ва чанд сол дар ин соҳа ба ҳайси профессор кор кардааст. Маҳмуд Ҷибрил дар ин мавзӯъ 10 китоб нашр кардааст. Вай инчунин роҳбари гурӯҳе буд, ки дар таҳияи дастури ягонаи омӯзиши араб ширкат дошт. Дар байни солҳои 1987 ва 1988 масъули ташкил ва идораи ду конфронси аввали омӯзишӣ дар кишварҳои араб буд. Баъдан, ӯ ба омӯзиши менеҷмент ва роҳбарии маъмурӣ барои менеҷерони аршад дар кишварҳои арабӣ, аз ҷумла дар Миср, Арабистони Саудӣ, Либиё, АМА, Кувайт, Урдун, Баҳрайн, Марокаш, Тунис, инчунин дар Туркия ва Бритониёи Кабир машғул буд.
Маҳмуд Ҷибрил раиси Шӯрои миллии нақшакашии Либиё буд. Соли 2009 раиси Шӯрои миллии рушди иқтисодии Либиё таъин шуд. Вай инчунин ба Кумитаи зидди бӯҳронии Шӯрои миллии Либиё роҳбарӣ мекард. 23 марти соли 2011 маълум шуд, ки Маҳмуд Ҷибрил сарвазири Шӯрои миллии муваққатии Ҷумҳурии Либиё шуд, ки худро ягона мақомоти қонунии Либиё эълон кард. 23 октябри соли 2011 пас аз озод шудани Либиё аз режими Муаммар Қаззофӣ, ӯ истеъфо дод.
Ҳизби Маҳмуд Ҷибрил, Эътилофи Нерӯҳои Миллӣ, дар интихоботи порлумонии Либиё дар моҳи июли соли 2012 аксарияти овозҳоро ба даст овард [4].
Маҳмуд Ҷибрил 5 апрели соли 2020 дар Қоҳира аз таъсири COVID-19 дар синни 67-солагӣ даргузашт [5] .
Эзоҳ
вироиш- ↑ Former Libya Premier Jibril Dies in Cairo From Coronavirus — Bloomberg.com, 2020.
- ↑ Libya: Former Interim Prime Minister of Libya Jibril dies from Covid-19
- ↑ Former Libya Premier Jibril Dies in Cairo From Coronavirus — Bloomberg.com.
- ↑ Объявлены окончательные результаты выборов в Ливии Бойгонӣ шудааст 20 июли 2012 сол. — статья на лента.ру
- ↑ Former Libyan PM Mahmoud Jibril has died from complications related to coronavirus(англ.). en.alwasat.ly(пайванди дастнорас — таърих). Alwasat News (5 April 2020). 27 июни 2020 санҷида шуд. Баргирифта аз сарчашмаи аввал 11 апрели 2020.