Меҳрии Араб

Мир Сайидалӣ ибни Мирмусоиди Омулӣ Меҳрии Араб (форсӣ: سیدعلی مهری عرب‎; ? — қарни XVII) — шоири форсигӯи асри сафавӣ.

Меҳрии Араб

Зиндагинома

Ба арабию форсӣ шеър мегуфт. Дар дарбори султон Ҳусайни Сафавӣ хидмат карда, ба унвони «маликушшуаро» соҳиб шудааст. Меҳрии Араб дар шеър гоҳо «Меҳр» ва «Сайид» низ тахаллус мекардааст. Меҳрии Араб соҳибдевон аст. Як нусхаи девони ӯ, ки тақрибан 5600 байт дорад, дар китобхонаи Донишгоҳи Теҳрон маҳфуз асг. Дар баёзу чунгҳо аз ашъори Меҳрии Араб намунаҳои зиёде сабт шудааст. Аз бай­ни осори Меҳрии Араб маснавии «Саропо» шӯҳрат доштааст. Достони «Лайлӣ ва Маҷнун» низ дорад, ки аз он нусхаи ноқисе боқист.

Адабиёт

• Меҳрии Араб / С. Асадуллоев // Лениннома — Муҳит. — Д. : СИЭСТ, 1983. — (Энциклопедияи Советии Тоҷик : [дар 8 ҷ.] / сармуҳаррир А. С. Сайфуллоев ; 1978—1988, ҷ. 4).