Оиннома

Оиннома - 1) яке аз ҳуҷҷатҳои таъсисии шахси ҳуқуқӣ, ки аз ҷониби муассисони он тасдиқ карда мешавад. Дар оинномаи шахси ҳуқуқӣ бояд номи шахси ҳуқуқӣ, маҳалли ҷойгиршавии он,тартиби идораи шахси ҳуқуқӣ, инчунин маълумоти дигари пешбинӣ намудаи қонун дар бораи намуди дахлдори шахси ҳуқуқӣ нишон дода шавад. Оиннома санади меъёрию ҳуқуқиест, ки вазъи ҳуқуқии иттиҳодияҳо, корхонаҳо ва муассисаҳоро муқаррар намуда, тартиби фаъолият ва муносибати мутақобилаи онҳоро бо дигар мақомот, ташкилот, муассисаҳо ва аъзои худ муайян менамояд. Санади давлатии меъёрию ҳуқуқие, ки дар асоси он соҳаи муайяни фаъолияти Қувваҳои Мусаллаҳи Ҷумҳурии Тоҷикистон таҳти танзим қарор мегиранд, ҳамчунон оиннома ном дорад.

2) маҷмӯи қоидаҳое, ки фаъолияти созмон, ҳизб, муассиса ва муносибатҳои мутақобилаи онҳоро бо созмону шаҳрвандони дигар танзим менамоянд.

Нигаред

• Оинномаи консулӣ
• Оинномаи СММ
• Оинномаи ташкилоти байналмилалӣ