Осорхонаи Виктория ва Алберт
Музейи Виктория ва Алберт (англ. Victoria and Albert Museum) — осорхона дар маҳаллаи Кенсингтони Лондон, бузургтарин осорхонаи ҳунари ороиши амалӣ ва тарроҳӣ дар ҷаҳон. Даромадан ройгон аст. Ба гузориш The Art Newspaper, ин осорхона яке аз пурбоздидтарин осорхонаҳои ҳунарӣ дар ҷаҳон аст[2].
| Осорхонаи Виктория ва Алберт | |
|---|---|
| |
| Санаи асосгузорӣ | 1852[1] |
| Сайт | vam.ac.uk(англ.) |
 Осорхонаи Виктория ва Алберт дар Викианбор
| |
Таърих
вироишСоли 1852 бо унвони Осорхонаи маснуот дар Марлбра Хаус ифтитоҳ шуд. Дар ибтидо осори асосии онро ашёи ҳунарӣ ташкил медод, ки аз намоишгоҳи бузурги соли 1851 харидорӣ шуда буд. Баъд бар он маҷмӯаҳое аз мактаби давлатии тарроҳиро афзуда буданд. Соли 1857 онро ба маҳалли наваш дар Кенстингтони Ҷанубӣ интиқол доданд ва ҷузве аз маҷмӯаи осорхонаҳои Кенстингтон шуд. Ба осорхона шоҳзода Алберт (шавҳари малика Виктория) ҳамаҷониба ёрӣ мекард. Сохтмони бинои марказии осорхона соли 1899 оғоз ёфт (меъмор Сер Астен Вебб) ва дар ҳамон сол ба ифтихори малика Виктория ва шавҳараш ба он Музейи Виктория ва Алберт ном ниҳода шуд. Соли 1909 ба сурати осорхонаи ҳунарии маҳз даромад ва маҷмӯаҳои илмиро аз он ҷудо карда, Осорхонаи илм ном гузоштанд. Осорхона дорои коллеҷи салтанатии ҳунар, як китобхонаи ҳунарии бузург ва маҷмӯаҳое мебошад, ки аз осорхонаи Ҳинд ба он илова шудааст. Ба коллексияи Музейи Виктория ва Алберт маҷмӯи бузурги муҷассамаҳои аврупоӣ (асосан итолиёӣ — готика ва давраи Эҳё) ва шарқӣ (аҳди қадим ва асрҳои миёна), наққошӣ ва графикаи мактабҳои наққошии аврупоии асрҳои 16-20 (аз ҷумла тарҳҳои Рафаэл, тасвирҳои обрангии англисӣ) дохил мешаванд. Маҷмӯаҳои наққошӣ ва кандакориҳои рӯйисангии он (хусусан аз Итолиёи Қадим) шуҳрат доранд. Дар осорхона садҳо мусаввара, даҳҳо муҷассама, ашёи асримиёнагӣ, матоъҳо, коллексияи театрӣ, маснуоти сафолию шишагӣ, минокориҳо ва мебели хона ба намоиш гузошта шудаанд. Тарҳҳои Рафаэл барои қолиҳои девории ибодатгоҳи Систин аз ганҷинаҳои маъруфи ин осорхона мебошанд. Осорхона дорои 17 маҷмӯаи ҳунари исломист. Филиалҳои он: Осорхона Бентал-Грин, Апслихаус, Хэм-хаус, Острели-парк-хаус.
Эзоҳ
вироиш- ↑ 1.0 1.1 1.2 1.3 A Brief History of the Museum — Осорхонаи Виктория ва Алберт.
- ↑ Visitor Figures 2013: Museum and exhibition attendance numbers compiled and analysed Бойгонӣ шудааст 18 ноябри 2017 сол., The Art Newspaper, International Edition, Апрель 2014.
Адабиёт
вироиш- Виктория ва Алберт / Н. Шарипов // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.