Ҳомилтун (Бермудо)

Ҳомилтун (англ. Hamilton), Гамилтон, Ҳамилтон — маркази маъмурии ҷазираҳои Бермуд дар ҷазираи ҳамном, дар соҳили халиҷи Грейт-Саунд. Аҳолиаш 1500 нафар (2013). Бандари баҳрӣ бо истгоҳи киштиҳои калони саёҳатӣ (аз соли 1956 бандари кушода).

Маҳалли аҳолинишин
Ҳомилтун
англ. Hamilton
Парчам
Кишвар	[[|]]
Таърих ва ҷуғрофиё
Таъсис	1793
Масоҳат	0,7 км²
Баландии марказ	18 м
Минтақаи замонӣ	UTC−04:00[d]
Аҳолӣ
Аҳолӣ	3 686 тан (2010)
cityofhamilton.bm​(англ.)
Парвандаҳо дар Викианбор

Таърих

Соли 1790 ҳамчун қароргоҳи идораи маъмурии ҷазираҳо бунёд гардида, ба номи губернатори ҷазираҳо Ҳомилтун Гамилтон (1778-94) номгузорӣ шудааст. Аз соли 1793 — шаҳр. Соли 1815 маркази маъмурии мустамликаҳо аз Сент-Ҷорҷ ба Ҳомилтун кӯчонида шуд.

Иқтисод

Соҳаи асосии иқтисодиёт — сайёҳӣ. Ҳомилтун яке аз марказҳои асосии молияи офшории ҷаҳонӣ буда, дар ин ҷо беш аз 300 ширкати байналмилалие, ки дар ҷазираҳои Бермуд намояндагӣ доранд ва 11 ҳазор ширкате, ки намояндагӣ надоранд, ба қайд гирифта шудаанд. Ҳомилтун маркази савдост, саноати дорусозӣ ва атриёту моҳидорӣ тараққӣ кардааст.

Дар маркази Ҳомилтун иморатҳои бо услуби григорианӣ ва викторианӣ биноёфта бисёранд. Ёдгориҳои меъморӣ: ратуша, калисои ҷомеъ (1894—1997, услуби готикаи нав), калисои привитеринаии Эндрюи Муқаддас (1846), қасри Виндзор, қалъачаи Гамилтон (1870-76), бинои ҳукуматии «Сешнз-Ҳауз» (1817—1887). Осорхонаи ҷамъиятӣ-таърихӣ, нигористони миллӣ, дар музофотҳо пляжҳои регӣ, аквариум, боғи ҳайвонот дорад.

Сарчашма

• Гамилтон // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.