Саъдулло Асадуллоев
Саъдулло Асадуллоев — (12 сентябри 1932, д. Хистеварз (Кистакӯз) - 26 сентябри 1998ш. Хуҷанд), адабиётшинос, доктори илми филологӣ (1985), профессор (1987). Асосгузор ва президенти Академияи Камоли Хуҷандӣ (1991).[1]
| Таърихи таваллуд | 12 сентябр 1932 |
|---|---|
| Зодгоҳ | шаҳри Хуҷанд |
| Таърихи даргузашт | 26 сентябр 1998 (66 сол) |
| Фазои илмӣ | адабиётшинос,олим |
Ҳолнома
вироишСаъдулло Асадуллоев ДДТ ба номи В.И.Ленинро хатм кардааст (1955). Аспирант (1955-58), муаллим (1958-61), сармуаллими кафедраи адабиёти тоҷик, ноибдекани факултаи таъриху филологияи ДДТ ба номи В.И.Ленин (1961-65), мудири кафедраи адабиёти тоҷик (1965-81), мудири шуъбаи гоибона (1981-86), мудири кафедраи адабиёти тоҷики ДДОЛ ба номи С.М.Киров (аз с.1986). Навиштаҳояш аз с.1962 ба табъ мерасанд.
Фаъолияти илмӣ
вироишМуаллифи бештар аз 200 кори илмӣ бахшида ба масъалаҳои мухими таърихи адабиёти форсу тоҷик аст. Мураттиб ва муаллифи як катор хрестоматия ва китобҳои дарси мебошад. Мураттиб, муаллифи сарсухан ва тавзеҳоти мачмӯаҳои «Намунаҳои зарбулмасал ва маколҳои тоҷикон ва ӯзбекони вилояти Катағани Афғонистон» (Д., 1963) ва «Амир Хусрави Деҳлавӣ» (Д., 1975). Дар кори ба нашр омода сохтани “Девони Камоли Хуҷандӣ” дар ду чилд фаъолона ширкат варзидааст. Иштироккунандаи конгресс ва симпозиумҳои байналхалқи бахшида ба масъалаҳои адабиёти Шарк.
Осор
вироиш- Абҷад ва таърихҳо. - Д., 1975 (бо хаммуаллиф);
- Баъзе истилоҳоти мусиқӣ ва суруду навоҳо дар ашъори Ҳофиз. - Д., 1975;
- Лайли ва Маҷнун дар назми форсӣ. - Д, 1981;
- Худомӯзии алифбои форсӣ-тоҷикӣ. - Хуҷанд, 1992;
- Камоли Хуҷандӣ. - Хуҷанд, 1996.