Сиғаи хабарӣ

Сиғаи хабарӣ воқеъ шудан ё нашудан, тасдиқ ё инкор ва ё қайд карда шудани воқеияти (факт) амалро мефаҳмонад. Ба ин сиға шаклҳои шуҳудӣ ва нақлии феълҳои замони гузашта , инчунин баъзе шаклҳои замони ҳозира ва ояндаи феълҳо мансубанд:

Замони гузаштаи наздик (гуфтам,такрор кардам);

Замони гузаштаи давомдор (гуфта истодам,такрор карда истодам);

Замони гузаштаи дур (гуфта будам,такрор карда будам);

Замони гузаштаи дури давомдор (гуфта истода будам, такрор карда истода будам);

Замони гузаштаи ҳикоягӣ (мегуфтам,такрор мекардам);

Замони гузаштаи давомдори ҳикоягӣ (гуфта меистодам,такрор карда меистодам);

Замони гузаштаи нақлӣ (гуфтаам, такрор кардаам);

Замони гузаштаи нақлии дур (гуфта будаам, такрор карда будаам);

Замони гузаштаи нақлии ҳикоягӣ (мегуфтаам, такрор мекардаам);

Замони ҳозираи давомдор (гуфта истодаам, такрор карда истодаам);

Замони ҳозира-оянда (мегӯям, такрор мекунам);

Замони ояндаи дур (хоҳам гуфт, такрор хоҳам кард).

Мисолҳо

Гулнор чанд гоҳ боз Ёдгорро дӯст медошт ва хаёл мекард,ки дар оянда бо ӯ як зиндагонии дӯстдорона барпо карда, умри худро бо саодат ва шодкомӣ хоҳад гузаронд (Садриддин Айнӣ).
Асад Махсум аз ҳад гузаронида истодааст (Ҷалол Икромӣ).

Нигаред низ

Сиғаҳои феъл

Адабиёт

Грамматикаи забони адабии ҳозираи тоҷик. Қисми 1: Фонетика ва морфология. - Душанбе: Дониш, 1985. - с.205