Телевизион
Телевизион — яке аз воситаҳои пахши иттилооти оммавӣ (сиёсӣ, фарҳангӣ, илмӣ-оммавӣ) ва воситаи асосии алоқа мебошад, ки барои мақсадҳои илмӣ, техникӣ, назорати соҳаҳои саноат ва нақлиёт, кайҳон ва тадқиқотҳои ҳастаӣ ва диг. истифода бурда мешавад.[1]
Пайдоиши телевизион
вироишТелевизион ихтирои ибтидои асри XX буда, соли 1930 ба олимону муҳандисони шӯравӣ-Борис Розинг, Семен Катаев, Александр Константинов, Петр Тимофеев, Павел Шмаков, ихтироъкорони амрикоӣ — Владимир Зворикин (амрикоии рустабор), Фило Фарнсуорт, муҳандиси британиявӣ — Алан Кэмпбелла-Суинтон ва дигарон муяссар гардид, ки онро мукаммал гардонида, мавриди истифода диҳанд.
Дар Аврупо ба таври оммавӣ фаъолияти шабакаҳои телевизионӣ танҳо аз соли 1950 оғоз гардида, дар бисёре аз давлатҳои тараққикардаи ҷаҳон шабакаҳои давлативу хусусии телевизион солҳои 60-70-уми асри гузашта таъсис ёфтанд.
Имрӯз дар ҷаҳон давлате нест, ки дар он шабакаҳои телевизионӣ фаъолият надошта бошанд.
Шабакаҳои телевизионии CBC, NBC, ABC — дар ИМА, BBC, ATV — Дар Британияи Кабир, РАИ — дар Италия, NHK — дар Япония, ЦДФ — дар Германия, ОРТ- дар Россия аз бонуфузтарин ширкатҳои телевизионӣ дар ҷаҳон маҳсуб мешаванд.
Дар Тоҷикистон 3 октябри соли 1959 аввалин бор Студияи телевизиони Тоҷикистон ба кор шурӯъ намуд, ки ин рӯйдоди беназири фарҳангӣ дар ҳаёти кишвар буд.[2]
Бо қарори Ассамблеяи генералии СММ шурӯъ аз соли 1997 ҳамасола дар ҷаҳон 21 ноябр ҳамчун Рӯзи умумиҷаҳонии телевизион (World Television Day) ҷашн гирифта мешавад.
Эфири телевизионӣ
вироишЭфири телевизионӣ — муҳите, ки дар он сигналҳои телевизионӣ паҳн мегарданд.[3] Дар Тоҷикистон дар шароити имруза сигналҳои телевизионӣ дар тамоми минтақаҳои кишвар паҳн мегарданд. Телевизиони моҳвораӣ, ки аз тариқи иртибототи моҳвораӣ интиқол меёбад, дар аксар хонадони сокинон гузошта шудааст.
Нигаред
вироишПайвандҳо
вироиш- Википедияи руси — Телевидение(пайванди дастнорас)
- ТАДҚИҚОТИ БОЗОРИ ТЕЛЕВИЗИОНИИ ТОҶИКИСТОН Бойгонӣ шудааст 5 августи 2014 сол.
Сарчашма
вироиш- ↑ Словари и энциклопедии на Академике — Телевидение. 11 май 2014 санҷида шуд. Баргирифта аз сарчашмаи аввал 8 июли 2014.
- ↑ 21 ноябр-Рӯзи умумиҷаҳонии телевизион. Аз «оинаи нилгун» — то телевизиони рангаи рақамии HD. 21 ноябри 2017 санҷида шуд. Баргирифта аз сарчашмаи аввал 3 августи 2020.
- ↑ нусхаи бойгонӣ. 13 май 2014 санҷида шуд. Баргирифта аз сарчашмаи аввал 5 августи 2014.