Шамсуддини Табасӣ

Муҳаммад ибни Абдулкарим Шамсуддини Табасӣ (? — 1229, Ҳирот) — шоир, донишманд ва фақеҳи форс-тоҷик, қозии шаҳри Ҳирот.

Шамсуддини Табасӣ

Зиндагинома

Аз Хуросон барои таҳсил ба Бухоро омада, минбаъд сокини Самарқанд шуд. Дар охири ҳаёташ қозии шаҳри Ҳирот буд.

Аз Шамсуддини Табасӣ девони ашъоре дар ҳудуди 2 ҳазор байт (қасоид, ғазалиёт, рубоиёт, муқатаот ва ғайра) боқист. Шоир дар ашъораш ба Хоқонӣ пайравӣ кардааст, вале дар ашъори ӯ таркиботи хос ва мазмунҳои тозаву дақиқ кам нестанд. Намунае аз ашъори Шамсуддини Табасӣ:

Сапедадам, ки ҷаҳон бӯи зулфи ёр гирифт.
Ҳаво латофати хубони гулузор гирифт.
Зи бас шамомаи кофур дил гумон мебурд.
Ки барф домани ин сабз кӯҳсор гирифт.

Адабиёт

• Шамсуддини Табасӣ // Ховалинг — Ҷӯяк. — Д. : СИЭСТ, 1988. — (Энциклопедияи Советии Тоҷик : [дар 8 ҷ.] / сармуҳаррир М. Д. Диноршоев ; 1978—1988, ҷ. 8).

• Суханварони Сайқали рӯи замин. Д.,1973