Абдулло Ёрмуҳаммадов

Абдулло Ёрмуҳаммадов (машҳур ба Абдулло-командир; 13 ноябр 1896, Ноҳияи Пахтаарал — 21 сентябр 1940, Олмотӣ) — ходими давлатӣ, яке аз фаъолони муборизаи зидди ҳаракати зиддиинқилобӣ, аввалин вазири корҳои дохилии Тоҷикистон.

Абдулло Ёрмуҳаммадов
Таваллуд	13 ноябр 1896(1896-11-13) Ноҳияи Пахтаарал, Вилояти Қазоқистони Ҷанубӣ
Даргузашт	21 сентябр 1940(1940-09-21) (43 сол) Олмотӣ, ҶШС Қазоқистон, ИҶШС
Ҷоизаҳо
Набардҳо	Ҷанги шаҳрвандии Русия

Зиндагинома

Хатмкардаи Омӯзишгоҳи чорсолаи Самарқанд (1914). Котиб-тарҷумони идораи уезди Каттақӯрғон (1914—1917), сардори идораи милисаи ш. Каттақӯрғон (1917—1919), раиси Комиҷроияи

Шӯрои вакилони меҳнаткашон ва ваколатдори мубориза бар зидди ҳаракати зиддиинқилобӣ дар уезди Каттақӯрғон (1920−1921), раиси Комиҷроияи вилояти Самарқанд (1921−1923), муовини Комиссари мардумии корҳои дохилии Ҷумҳурии Мухтори Шӯравии Сотсиалистии Туркистон (1923), Комиссари корҳои дохилии Ҷумҳурии Мухтори Туркистон, сардори Экспедитсияи Қизилқум (1924), Комиссари мардумии корҳои дохилаи ҶМШС Тоҷикистон (14.12.1924−1927). Солҳои 1927−1940 дар мақомоти роҳбарии Қазоқистон: ҷонишини Комиссари мардумии савдо, раиси Комиҷроияи шӯроҳои ҳавза ва шаҳри Семипалатинск, раиси Комиҷроияи шаҳри Алма-Ато, сардори хоҷагии об, Комиссари мардумии адлия, сарарбитри Комиҷроияи вилояти Қазоқистони Ҷанубӣ.

Ҷоизаҳо

Бо се ордени Байрақи Сурхи Ҷумҳурии Халқии Шӯравии Бухоро (1923, 1924, 1926) қадр шудааст.

Некдошт

Яке аз кӯчаҳои шаҳри Душанбе ба хотираи Абдулло Ёрмуҳаммадов Абдулло-командир номгузорӣ шудааст.

Адабиёт

• Ёрмуҳаммадов Абдулло / Ф. Назаров // Дирҳам — Замин. — Д. : СИЭМТ, 2017. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 6). — ISBN 978-99947-33-69-9.