Open main menu

Википедиа β

Абдусаттор Мирзоев

Абдусаттор Мирзоев (19.05.1932, деҳаи Хамчашмаи ноҳияи Балҷувон – 01.03.2009, ш. Душанбе) — олим, доктори илмҳои филологӣ (2002), Корманди шоистаи Тоҷикистон (1998), дорандаи Ҷоизаи давлатии ба номи Абӯалӣ ибни Сино (2001).

Абдусаттор Мирзоев
Абдусаттор Мирзоев
Санаи таваллуд:

19 май 1932(1932-05-19)

Зодгоҳ:

Балҷувон , ҶШС Тоҷикистон СССР

Санаи марг:

1 март 2009(2009-03-01) (76 сол)

Маҳалли марг:

Душанбе

Мамлакат:

 Тоҷикистон

Фазои илмӣ:

филология

Ҷойҳои кор:

Пажӯҳишгоҳи забон ва адабиёти ба номи Рӯдакии АИ Тоҷикистон, Донишгоҳи давлатии Кӯлоб ба номи Абӯабдуллоҳи Рӯдакӣ

Дараҷаи илмӣ:

доктори илмҳои филология

Унвонҳои илмӣ:

профессор

Алма-матер:

Донишгоҳи давлатии Тоҷикистон ба номи В.И. Ленин

Мукофоту ҷоизаҳо:

Корманди шоистаи Тоҷикистон (1998), дорандаи Ҷоизаи давлатии ба номи Абӯалӣ ибни Сино (2001)

ЗиндагиномаВироиш

Соли 1957 факултаи таъриху филологияи Донишгоҳи давлатии Тоҷикистон ба номи В.И. Ленинро (ҳоло ДМТ) хатм намуда, дар Пажӯҳишгоҳи забон ва адабиёти ба номи Рӯдакии АИ Тоҷикистон фаъолияташро шурўъ намуда, то охири умр дар ин боргоҳи илм заҳмат кашид. Вазифаҳои лаборанти калон, ходими илмӣ, ходими пешбари илмӣ, мудири шуъбаи забони адабиро адо намудааст. Ҳамзамон солиён дар кафедраи забони тоҷикии ДДОТ ба номи С. Айнӣ ва Донишгоҳи давлатии Кӯлоб ба номи Абӯабдуллоҳи Рӯдакӣ дарс додааст. Таҳқиқоташ дар се бахши забоншиносии тоҷик-иборашиносӣ, грамматика ва имло сурат гирифтааст. Бо иштироки фаъолонааш китобҳои «Қоидаҳои асосии имлои забони тоҷикӣ» (1972), «Имлои забони тоҷикӣ» омода шуда, дар таълифи китобҳои «Забони адабии ҳозираи тоҷик» (1982), «Грамматикаи забони адабии ҳозираи тоҷик» (се ҷилд, 1985, 1986, 1989) ва ғайра ширкат варзидааст. Дар ҳаммуаллифӣ «Луғати имло» (1991) ва китоби дарсии «Забони тоҷикӣ» (барои синфи 6) омода кардааст.

ОсорВироиш

  • Ибораҳои феълии замонӣ дар забони адабии ҳозираи тоҷик. – Д., 1972;
  • Масъалаҳои ибора дар забони тоҷикӣ. – Д., 2002. ва диг.[1]

ЭзоҳВироиш

  1. Арбобони илми тоҷик (асри ХХ-аввали асри ХХI) / Муаллиф-мураттиб Ёрмуҳаммади Сучонӣ. – Душанбе, 2017. – С. 341-342.