Абутаммом Ҳабиб
Абутаммом Ҳабиб ибни Аус ат-Таи (араб. أبو تمام حبيب بن أوس); 796 деҳаи Ҷосими назди Димишқ – 843, Мавсил) — шоири араб.
| أبو تمام حبيب بن أوس بن الحارث الطائي | |
 | |
| Ном ба ҳангоми таваллуд: | ар. حبيب بن اوس بن حارث الطائي |
| Номи пурра | Абутаммом Ҳабиб ибни Аус ат-Таи |
| Таърихи таваллуд: | 796 |
| Зодгоҳ: | Димишқ |
| Таърихи даргузашт: | 843 |
| Маҳалли даргузашт: | Мавсил |
| Шаҳрвандӣ (табаият): | |
| Навъи фаъолият: | шоир |
| Забони осор: | арабӣ |
Зиндагинома вироиш
Аз насрониён буд, вале ба дини ислом гаравид ва худро ба қабилаи Тай нисбат медод. Ба кишварҳои гуногуни араб – Шом, Миср, Ироқ сафар кардааст. Муддате дар хидмати дарбори халифа Муътасим буд.
Ашъор вироиш
Аз Абутаммом Ҳабиб девони ашъор иборат аз қасидаҳо, марсияҳо, ҳаҷвияҳо боқӣ мондааст. Инчунин Абутаммом Ҳабиб чун гирдоварандаи намунаҳои ашъори шоирони пешазисломӣ ва исломии то замони Аббосиён маъруф аст. Осори гидовардаашро дар 7 тазкира ҷой додааст. Аз он ҷумла «Китоб-ул-ҳамоса» ва «Ихтиёр-уш-шуаро ал-фуҳул» – мунтахаби қасоиди шоирони давраи пешазисломӣ ва исломист, ки то замони мо расидааст.
Эзоҳ вироиш
Сарчашма вироиш
- А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.