Адрасмон

Адрасмон — шаҳрак (26 марти 1941), тобеи шаҳри Гулистон.

Шаҳрак
Адрасмон
Нишон
40°38′44″ с. ш. 69°59′25″ в. д.
Кишвар	Тоҷикистон
Вилоят	Суғд
Ноҳия	Гулистон
Таърих ва ҷуғрофиё
Таъсис	1941
Шаҳрак аз	1945
Минтақаи замонӣ	UTC+5:00
Аҳолӣ
Аҳолӣ	14 600 тан (2015)
Миллият	тоҷикон, ӯзбакҳо, русҳо
Эътиқодот	мусулмонон, масеҳиён
Забони расмӣ	тоҷикӣ
Шиносаҳои ададӣ
Пешшумораи телефон	+992 3453, +992 92
Нишонаи почта	735780
Адрасмон Адрасмон

Ҷуғрофиё

Дар қисми шимолии вилояти Суғд, байни қаторкӯҳҳои Қаромазору Қурама ҷойгир аст. Аввал ҳамчун деҳа ба ҷамоати деҳоти Қаромазори ноҳияи Ашт тобеъ буд. Аҳолиаш 12910 нафар (2009), тоҷикон, ӯзбекҳо ва миллатҳои дигар. Аз Адрасмон то шаҳри Гулистон 72 км; роҳ асфалтпӯш.

Иқтисод

Адрасмон 5 мактаби таҳсилоти миёнаи умумӣ, мактаби мусиқӣ, нуқтаи санитарии тиббӣ, 2 дорухона, 2 китобхона, 2 клуб, 8 нуқтаи хидмати маишӣ, боғчаи кӯдакон, 12 нуқтаи савдои хусусӣ, 5 ошхона ва чойхона дорад. Адрасмон аз қадим бо маъданҳои рангаи худ машҳури ҷаҳон буд. Аз конҳои назди Адрасмон маъдани сурб, нуқра, руҳ, тило, уран ва висмут истихроҷ мекунанд. Корхонаҳои асосии Адрасмон: Комбинати полиметаллии давлатии «Қаромазор» (1927), идораҳои кони Консой (1937) ва кони Қаромазор (1956), заводи таҷҳизоти пастшиддати барқии Адрасмон (1959), Комбинати қӯрғошиму руҳ (1970), Идораи шахтасозии Адрасмон (1972), Комбинати маъдантозакунӣ (1993).

Аҳолӣ

сол	2014	2015	2019	2020
шумора (ҳаз. нафар)	14,3	↗14,6	↗15,5	↗15,8

Шаҳракҳо ва деҳаҳо

Шаҳраки Адрасмон
Деҳа	Аҳолӣ
Шаҳраки Адрасмон
Гулдара (ш. Гулистон)
Гулшан (деҳа, ш. Гулистон)
Навобод, деҳа
Зарчашма (собиқ Қаромазор), деҳа

:

Адабиёт

• Қомуси Қайроққум, Х., 2004.

Сарчашма

• Адрасмон // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.