Азим Азизов

Азим Азизов (20 ноябри 1953, Хуҷанд — 26 августи 2010, Душанбе) — духтури кӯдакон, доктори илмҳои тиб (2000), профессор (2002).

Азим Азизов
Таърихи таваллуд	20 ноябр 1953(1953-11-20)
Зодгоҳ	Хуҷанд
Таърихи даргузашт	26 август 2010(2010-08-26) (56 сол)
Маҳалли даргузашт	Душанбе
Фазои илмӣ	тиб
Дараҷаи илмӣ:	доктори илмҳои тиб
Унвонҳои илмӣ	профессор
Алма-матер	Институти давлатии тиббии Тоҷикистон (1977)

Зиндагинома

Хатмкардаи факултети педиатрии Институти давлатии тиббии Тоҷикистон (ИДТТ) ба номи Абуалӣ ибни Сино (1977). Духтури кӯдакон (1977 — 83), ординатори кафедраи бемориҳои кӯдакони ИДТТ (1983 — 85), аспиранти Институти тиббии шаҳри Ростови Федератсияи Россия (1985 — 88), ассистент, дотсент (1988 — 97), мудири кафедраи таълими бемориҳои кӯдакони ДДТТ (аз 1997).

Фаъолияти илмӣ

Оид ба масоили нефрологияи кӯдакон як силсила тадқиқот анҷом додааст. Муаллифи зиёда аз 100 асару мақолаҳои илмӣ, 8 тавсияи методӣ ва пешниҳоди навоварона аст. Мақолаҳояш дар хориҷи кишвар ба табъ расидаанд. Таҳти роҳбарии ӯ кафедра ба масъалаи омӯзиши пулмонологияи кӯдакон машғул буд.

Осор

• Тавсиянома оид ба нигоҳубини беморон, Д., 2006;
• Оценки качество жизни детей с пиелонефритом и гломерулонефритом, Д., 2004;
• Особенности течения заболевания мочевыделительной системы у детей, маҷаллаи «Педиатрия», 2008;
• Клинико-иммунологической особенности тяжелых пневмонии у детей раннего возраста, маҷаллаи «Нигаҳдории тандурустии Тоҷикистон», 2008.

Сарчашма

• Азизов Азим // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.