Аммоний

Аммоний, NH⁺₄ — иони яквалента, ки дар натиҷаи аз ҷуфти электрони тақсимнашудаи атоми нитроген ба молекулаи аммиак пайваст шудани протон (Н⁺) ҳосил мешавад.

Амсилаи катиони аммоний

Дар таркиби бисёр пайвастҳо мавҷуд буда, вазифаи иони яквалентаро иҷро мекунад. Аммоний дар маҳлул мусбатзаряд аст, мac., гидрооксиди аммоний — NH₄OH ва намакҳои он сулфати аммоний — (NH₄)₂SО₄, хлориди аммоний — NH₄CI, нитрати аммоний — NH₄NO₃, карбонати аммоний — (NН₄)₂CО₃ ва ғ. Дар маҳлули обӣ намакҳои аммоний ҷудо шуда, катиони аммоний ҳосил мекунанд. Бисёр намакҳои аммоний моддаҳои кристаллии беранг буда, дар об нағз ҳал мешаванд; мавриди гарм кардан таҷзия шуда, NH₃ ҷудо мекунанд. Вақти ба намакҳои аммоний таъсир намудани ишқор NH₃ ҷудо мешавад. Реаксияи мазкурро барои ошкор намудани NH₃ кор мефармоянд.

${\mathsf {NH_{4}Cl+NaOH\rightarrow NaCl+NH_{3}+H_{2}O}}$

Намакҳои муҳимтарини аммоний намакҳои нитрат ва карбонати аммоний мебошанд. Онҳо чун нуриҳои нитрогендор истифода мешаванд.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.