Анба

Анба (форсӣ: انبه‎), манго (лот. Mangifera indica) — як навъ дарахти ҳамешасабзи кишварҳои гарми Осиё, ки меваи ширину хушбӯ дорад.

Анба
Гул ва меваи норасиди анбаи ҳиндӣ. Индонезия
Табақабандии илмӣ
ХАТО: шаблони орояшинохтӣ нест, который должен описывать систематическое положение таксона Mangifera. Гуна: Анба
Номи байнулмилалии илмӣ
Mangifera indica L., 1753
Сомонашиносӣ дар Викигуна Тасвирот дар Викианбор ITIS   28803 NCBI   29780 EOL   582270 GRIN   t:23351 IPNI   69913-1 TPL   kew-2362842

Тавсифоти гиёҳшиносӣ

Муҳимтарин рустании ҳосилдеҳи кишварҳои тропикист. Анба дарахти сершоху барг буда, то 45 м қад мекашад. Баргаш тасмашакл ё эллипсӣ, бӯи зифтро дорад; гулаш ҷорӯбак, мевааш донакдор, сершира, хушбӯй, нордон ё ширин (вазнаш 200 – 900 г).

Анба ҳазорҳо навъ дорад. Баъзе навъҳои он соле 3–4, навъҳои дигар як маротиба гул мекунанд.

Парвариш

Анбаро дар Ҳиндустон, Мянма, Малайзия, Покистон ва дигар кишварҳо мепарваранд. Дар Ҳиндустон тақрибан 600 ҳазор га анбазор мавҷуд аст. Дар Африқои Шимолӣ низ майдони анбазорҳо беш аз пеш зиёд шуда истодааст. Дар Америкаи Ҷанубӣ низ онро парвариш мекунанд. Ниҳоли анбаро аз рӯи тартиби 12×12 ё 14×14 м шинонда мешавад. Ниҳолҳои пайвандии анба соли 4–6-уми баъди шинондан ҳосил медиҳанд (ниҳоли аз тухм рӯидааш баъди 7–12 сол самар меорад). Аз ҳар га анбазор 7–15 т ҳосил гирифтан мумкин.

Аз меваи анба шарбат, компот, мармелад, пюре ва хӯришҳои гуногун таҳия месозанд.

Ҳамчунин нигаред

• Анба (мева)

Сарчашма

• Анба // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.