Ардабил

Ардаби́л (форсӣ: اردبیل‎) — шаҳр дар шимоли Эрон, маркази маъмурии устони Ардабил.

Шаҳр
Ардабел форсӣ: اردبیل‎, Шаблон:Lang-az3
Кишвар	ЭронЭрон
Минтақа	Ардабил
Координатаҳо	38°15′ с. ш. 48°18′ в. д.
Вақти минтақавӣ	UTC+3:30
Коди телефон	0451
Ардабел

Ҷуғрофиё

Дар 60 км ҷанубтари Баҳри Каспий дар пуштакӯҳи кӯҳҳои Талиш, дар баландии 1500 м дар соҳили дарёи Балигли-чай воқеъ гардидааст. Аҳолиаш 421 262 (2006) нафар, асосан озарбойҷониҳо.

Таърих

Ардабел дар замони Сосониён бунёд ёфта, ибтидои садаи VII аз тарафи арабҳо тасхир гардид. Соли 1220 онро муғулҳо забт ва вайрон карданд. Охири садаи XIII дар Ардабел ҷараёни дарвешӣ – тасаввуфии Сафавия таъсис ёфта, роҳбаронашон минбаъд ҳокимони шаҳру музофот шуданд. Сипас бо мурур Ардабел маҳаки таъсиси давлатдории Сафавиён шуд. Соли 1997 шаҳр аз заминҷунбии шадид хароб гардид.

Кишоварзӣ

Ардабел ҳоло яке аз марказҳои намоёни кишоварзӣ мебошад.

Саноат

Дар Ардабел саноати коркарди гӯшт, ордкашӣ, қаннодӣ хеле рушд ёфтааст. Ардабел бузургтарин маркази қолинбофӣ, нассоҷӣ ва истеҳсоли масолеҳи чиниворӣ мебошад. Дар ҳаволии Ардабел умдатарин осоишгоҳи балнеологии Эрон ҷойгир аст.

Сарчашма

• Ардабел // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2021, ҷ. 1). — ISBN 978-99947-33-45-3.