Бангӣ

Бангӣ
	Шаҳр
Бангӣ
	фр. Bangui; санго Kötä gbätä tî Bangî
	; Bangui
	Нишон
	4°21′41″ с. ш. 18°33′19″ в. д.HGЯO
Кишвар	Ҷумҳурии Африқои Марказӣ
Таърих ва ҷуғрофиё
Таъсис	1889
Масоҳат	67 339 690 м²;
Баландии марказ	369 ± 0 м
Минтақаи замонӣ	UTC+1[d]
Аҳолӣ
Аҳолӣ	▲ 734 350 тан
	Бангӣ
	Парвандаҳо дар Викианбор

Бангӣ (фр. Bangui, санго Kötä gbätä tî Bangî) — пойтахти Ҷумҳурии Африқои Марказӣ, дар соҳили рости дарёи Убанга (шохоби рости дарёи Конго) воқеъ аст. Воҳиди маъмурии мустақил. Аҳолиаш 687 ҳазор нафар, (2010) бо атрофи он.

Иқтисод

Бандари бузурги дарёӣ буда, тамоми борҳои мамлакат ва воридоту содироти тиҷоратии давлати Чад ба воситаи он мегузаранд. Аэропорти байналмилалӣ, шабакаи роҳҳои автомобилгард дорад. Соли 1889 дар ҷойи қалъа – истеҳкоми ҳарбии фаронсавиҳо бунёд шудааст. Солҳои 1914–58 маркази маъмурии мустамликаи Фаронса – Убанги – Шарӣ, 1958–60 пойтахти Ҷумҳурии Мухтори Африқои Марказӣ дар ҳайати Иттиҳоди Фаронса, аз соли 1960 пойтахти Ҷумҳурии Мухтори Африқои Марказист. Бангӣ маркази асосии иқтисодӣ ва мадании мамлакат буда, дорои комб. матоъҳои пахтагин, ф-каҳои дӯзандагӣ, нассоҷӣ, пойафзор, коркарди тамоку, корхонаҳои истеҳсолкунандаи хӯрокворӣ, саноати коркарди чӯб ва оҳан, корхонаҳои васлкунандаи мотосиклу велосипед аст. Дар Бангӣ, инчунин, Институти таҳқиқоти илмии мақсадҳои инкишоф, Институти ба номи Пастер, донишгоҳ бо китобхонаи марказӣ, 6 мактаби олӣ, аз ҷумла институтҳои политехникӣ ва кишоварзӣ, Мактаби миллии санъат, Осорхонаи миллии кишваршиносӣ фаъолият доранд. Дар маркази Бангӣ биноҳои ҳозиразамон (дар услуби модерн) қад кашида, шаҳри сабзу хуррам аст. Ёдгориҳои таърихӣ ва меъмории Бангӣ: боқимондаи қалъа – истеҳкоми ҳарбии фаронсавиён ва Калисои ҷомеи католикии Модархудо бо номи Нотр-Дам (охири садаи 19 – аввали садаи 20, шаклаш мисли Калисои ҷомеи Модархудои Париж).

Эзоҳ

Адабиёт

Бангӣ // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.

Пойтахтҳои Африқо