Бегалӣ Аҳмадалиев

Бегалӣ Аҳмадалиев (Бегали Расулович Аҳмадалиев; (16 майи 1929, ноҳияи Нов, ҶМШС Тоҷикистон — 13 апрели 1999, Хуҷанд, Тоҷикистон) — ходими давлатӣ ва сиёсии даврони Иттиҳоди Шӯравӣ дар ҶШС Тоҷикистон.

Бегалӣ Аҳмадалиев
Таваллуд	16 май 1929(1929-05-16) Ноҳияи Спитаман, ҶХШС Тоҷикистон, ҶШС Ӯзбекистон, ИҶШС
Даргузашт	13 апрел 1999(1999-04-13) (69 сол) Хуҷанд, Тоҷикистон
Ҷоизаҳо

Зиндагинома

Соли 1929 дар деҳаи Қуштегирмони ноҳияи Нов таваллуд шудааст. Узви ҲКИШ аз соли 1949.

Аз соли 1947 — дар корҳои хоҷагидорӣ, иҷтимоӣ ва сиёсӣ. Солҳои 1947 — 1990 — муаллими мактаби миёна, тарғибгари кумитаи ҳизбии ноҳияви дар Артиши Шӯравӣ, мудири шуъбаи рӯзномаи ноҳиявӣ, котиби дуюми кумитаи ҳизбии ноҳияи Нов, раиси кумитаи иҷроияи ноҳияи Нов, Котиби якуми кумитаҳои ҳизбии ноҳияи Пролетар, Зафаробод, муовини раис, раиси Кумитаи иҷроияи вилояти Ленинобод, Вазири таъминоти иҷтимоии ҶШС Тоҷикистон.

Ӯ вакили Шӯрои Олии ҶШС Тоҷикистон даъвати 7-11 интихоб шуда буд.

Бегали Расулович Аҳмадалиев соли 1999 дар Хуҷанд даргузаштааст.

Адабиёт

• Ахмадалиев Бегали Расулович // Хуҷанд. Энсиклопедия — Душанбе, 1999.-- С. 44-45.