Бодбонҳо

Бодбонҳо (лот. Vela, ар. الشراع‎) — бурҷи Нимкураи Ҷанубии осмон, ки сарҳадди ҷанубии он аз Роҳи Каҳкашон мегузарад.

Бодбонҳо
Номи расмӣ	лот. Vela
Номи кӯтоҳ	Vel
Номида ба шарафи	бодбон ва Оргу[d]
Ҳаммарз бо	Насос[d], Pyxis[d], Puppis[d], Carina[d] ва Centaurus[d]
Кошиф	Nicolas Louis de Lacaille[d]
Таърихи кашф	1763
Масоҳат	500 square degree
Парвандаҳо дар Викианбор

Масоҳати Бодбонҳо 499,6 градуси квадратӣ буда, 195 ситораи ба чашм намоён дорад. Ситораи муниртарини бурҷ γ – Бодбонҳо ё Регор (бузургии ситоравиаш +1,75m) ситораи қӯша буда, аз шаш ситора иборат аст. Дар бурҷи Бодбонҳо пулсари машҳури Vela (даври гардишаш 0,0892 с, масофа то Офтоб 1500 с.р.), селҳои метеории Делта-Велидҳо, Гамма-Велидҳо ва Пуппидҳо-Велидҳо ҷойгиранд. Дар аввал Бодбонҳо қисми бурҷи бузурги Киштии Арго буд. Соли 1752 бо ташаббуси мунаҷҷими фаронсавӣ Никола Луи де Лакайл он ба се бурҷи алоҳида: Бодбонҳо, Думболаи Киштӣ ва Шоҳтахта тақсим шуда, дертар ба онҳо бурҷи Комапс низ ҳамроҳ карда шуд.

Сарчашма

• Бодбонҳо / М. Холов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.