Бурҳон Тӯраев

Бурҳон Тӯраев (1909, гузари Гӯри мири шаҳри Самарқанд — 3 июни 1989, Душанбе) — ҳунарпеша ва сароянда. Ҳунарпешаи хизматнишондодаи ҶШС Тоҷикистон (1939). Курси нӯҳмоҳаи муаллимтайёркунии Самарқандро хатм намудааст (1929). Актёри театри драмаи ба номи Ҳамза Ҳакимзодаи шаҳри Тошканд (1929—1930), Театри давлатии ӯзбекии «Ленин йӯли»-и шаҳри Самарқанд (1931—1932), Театри халқии ш. Панҷакент (1933-35), ҳунарпеша ва сарояндаи Театри давлатии академии опера ва балети ба номи Садриддин Айнӣ (1936—1959).

Бурҳон Тӯраев
Бурҳон Тӯраев
Таърихи таваллуд	1909(1909)
Зодгоҳ	Самарқанд
Таърихи даргузашт	3 июн 1989(1989-06-03)
Маҳалли даргузашт	Душанбе
Кишвар	Тоҷикистон
Пеша(ҳо)	овозхон,ҳунарпеша
Ҷоизаҳо	Ҳунарпешаи шоистаи Тоҷикистон

Эҷодиёт

Бурҳон Тӯраев дар саҳнаи Театри давлатии академии опера ва балети ба номи Садриддин Айнӣ якчанд симоҳои барҷаста офаридааст: Султонбек («Аршин мололан»-и Ӯ. Ҳоҷибеков, 1938), Иброҳим («Гулсара»-и К. Яшин ва М. Муҳаммадов, 1938), Бобои осиёбон («Лола»-и Сергей Баласанян ва С. Ю. Урбах, 1939) ва ғ. Аввалин иҷрокунандаи нақши Восеъ дар нахустин операи тоҷ. — «Шӯриши восеъ»-и Сергей Баласанян(1939), Кова («Коваи оҳангар»-и Сергей Баласанян, 1941), Қароботур, Бурҳон («Тоҳир ва Зӯҳро», «Арӯс»-и Александр Степанович Ленский, 1944,1946), Заретский («Евгений Онегин»-и П. И. Чайковский, 1946). Синига «Кармен»-и Ж. Бизе, 1948), Акрам («Пӯлод ва Гулрӯ»-и Шарофиддин Сайфиддинов, 1957) ва ғ.

Дар ду балет низ нақшҳои асосиро бо услуби пантомима бозидааст: Гирей («Фаввораи Боғчасарой»-и Б. Асафйев, 1945) ва Командор («Лауренсия»-и А. А. Крейн, 1952).

Пайвандҳо

• Cомонаи Театри давлатии академии опера ва балети ба номи Садриддин Айнӣ