Александрит
Александри́т — яке аз намудҳои минерали хризоберилл, формулаи химиявиаш BeAl2O4, рангаш дар рӯзи равшан сабзи зумуррадӣ, дар рӯшноии сунъӣ – сурхи бунафшатоб, сахтиаш 8,5, зичиаш қариб 3700 кг/м³. Дар конҳои пегматикӣ ҳамроҳи берилл, фенакит, рутил, флюорит, апатит ва минералҳои дигар вомехӯрад. Александрит санги гаронбаҳои дараҷаи 1-ум мебошад. Ба ифтихори подшоҳи Русия Александри II номгузорӣ шудааст. Конҳои александрит дар Русия, Бразилия, Африқои Ҷанубӣ, Мадагаскар ва Шри Ланка мавҷуданд.
_1.jpg)
Эзоҳ вироиш
Сарчашма вироиш
- А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.