Войсеховский, Богдан Вячеславович

Войсеховский Богдан Вячеславович (22 январи 1922, деҳаи Сороки, вилояти Виннитса, Украина — 21 августи 1999, Вирҷинияи Ғарбӣ, ИМА) — механик ва физикдони шӯравӣ, доктори илмҳои физика ва математика (1961), академики АИ ИҶШС (1964) ва АИ Русия (1991).

Войсеховский, Богдан Вячеславович
Таърихи таваллуд:	22 январ 1922(1922-01-22)
Зодгоҳ:	Вилояти Виннитса
Таърихи даргузашт:	21 август 1999(1999-08-21) (77 сол)
Маҳалли даргузашт:	Grafton[d], Вирҷинияи Ғарбӣ, Иёлоти Муттаҳидаи Амрико
Кишвар:	ИҶШС
Ҷойҳои кор:	Lavrentyev Institute of Hydrodynamics of the Russian Academy of Sciences[d]
Дараҷаи илмӣ:	доктори илмҳои физика ва метематика[d]
Алма-матер:	National Research Nuclear University[d]
Роҳбари илмӣ:	Mikhail Lavrentyev[d]
Ҷоизаҳо:
Сайт:	prometeus.nsc.ru/science…

Зиндагинома

Хатмкардаи Институти муҳандисию физикаи Маскав (1953). Дар соҳаи истифодаи фишори импулсӣ, шарраи моеи баландсуръат, таҷҳизоти гуногуни ҳидродинамикӣ таҳқиқот анҷом дода, дар татбиқи онҳо саҳм гузоштааст. Таҳқиқоти В. дар соҳаи истифодаи ҳодисаи детонатсияи мавҷӣ дар газҳо ва дигар силсилаҳои тарканда ӯро машҳур гардонданд. В. таҷҳизоти истифодаи неруи шамолро ихтироъ кард, ки ба тӯфон устувор буда, барои минбаъд ҷамъ кардани неру ва сохтани манбаъҳои барқароршавандаи он ва обсофкунакҳо замина мегузорад. В. муаллифи зиёда аз 200 асари илмӣ, 2 кашфиёти илмӣ ва зиёда аз 100 ихтироъ мебошад. Дорандаи Мукофоти ленинӣ (1965). Бо ордени Ленин, 2 ордени Байрақи Сурхи Меҳнат, орденҳои Ҷанги Ватанӣ (дараҷаи 2), «Нишони Фахрӣ» ва медалҳо сарфароз гардидааст.

Осор

• Структура фронта детонации в газах. Новосибирск. 1963;
• Микромодульная ветроэнергетика. Новосибирск, 1995.

Адабиёт

• Войцеховский Богдан Вячеславович. Новосибирск. 1982.

Сарчашма

• Войсеховский Богдан Вячеславович // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2021, ҷ. 4). — ISBN 978-99947-33-77-4.