Ихтиёр Ашӯров

Ихтиёр Саидович Ашӯров (29.10.1958, деҳаи Кӯшкаки Мазори н. Ҳисор) — доктори илмҳои иқтисодӣ (2008), профессор (2011).

Ихтиёр Ашӯров
Ихтиёр Саидович Ашӯров
Таърихи таваллуд	29 октябр 1958(1958-10-29) (66 сол)
Зодгоҳ	ноҳияи Ҳисор, ҶШС Тоҷикистон ИҶШС
Маҳалли даргузашт	шаҳри Душанбе
Кишвар	Тоҷикистон
Фазои илмӣ	иқтисодиёт
Ҷойҳои кор	Кумитаи марказии комсомоли Тоҷикистон, кумитаи ҳизбии н. Октябри (ҳоло н. Исмоили Сомонӣ) Душанбе, раёсати кишоварзии н. Ҳисор, Вазирати кишоварзии Тоҷикистон, Кумитаи давлатии омори ҷумҳурӣДонишгоҳи аграрии Тоҷикистон, ДАТ ба номи Ш. Шоҳтемур
Дараҷаи илмӣ:	доктори илмҳои иқтисод
Унвонҳои илмӣ	профессор
Алма-матер	Донишгоҳи миллии Тоҷикистон

Зиндагинома

Ихтиёр Саидович Ашӯров факултаи иқтисоди Донишгоҳи миллии Тоҷикистонро соли 1980 хатм намуда, дар шуъбаи иқтисоду молияи комиҷроияи н. Ҳисор кор кардааст. Солҳои 1983-1984 муҳандис-иқтисоддони НОБ-и Роғун, 1984-1987 нозир ва муовини сардори раёсати Кумитаи марказии комсомоли Тоҷикистон, 1987-1991 нозири кумитаи ҳизбии н. Октябри (ҳоло н. Исмоили Сомонӣ) Душанбе, 1991-1993 корманди масъули раёсати кишоварзии н. Ҳисор, 1993-2003 муовин ва муовини аввали Вазири кишоварзии Тоҷикистон, 2003-2010 муовини раиси Кумитаи давлатии омори ҷумҳурӣ буд. Аз соли 2010 мудири кафедраи назорати иқтисодии ДАТ ба номи Ш. Шоҳтемурро ба уҳда доштааст. Бобати иқтисоди кишоварзӣ, ислоҳоти аграрии Тоҷикистон, дигаргунсозиҳои аграрӣ дар шароити гузариш ба иқтисоди бозорӣ, ҳолат ва ояндаи шаклҳои хоҷагидорӣ дар ҷумҳурӣ ва ғайра таҳқиқот анҷом дода, беш аз шаст таълифот ба хидмат овардааст.

Осор

• Дастурамал оид ба дигаргунсозиҳои сохторӣ дар корхонаҳои кишоварзӣ. – Д., 1998;
• Рекомендации по организации сельскохозяйственных предприятий в Республике Таджикистан. – Д., 1998 (соавтор);
• Аграрные преобразавания в условях переходного периода. – Д., 2003;
• Аграрная политика в условиях переходного периода. – Д., 2005;
• Омори кишоварзӣ. Китоби дарсӣ барои мактабҳои олӣ. – Д., 2006;
• Аграрная реформа Республики Таджикистан. – М., 2008;
• Сельское хозяйство: состояние и перспективы форм хозяйствования. – Д., 2008;
• Экономическая безопасность. – Д., 2012.

Сарчашма

• Асос — Боз. — Д. : СИЭМТ, 2013. — 664 с. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.