Open main menu
Дарвешон. Қуния, Туркия.

Мавлавия (ар. مولوية‎) — яке аз силсилаҳои тасаввуфро гӯянд, ки тавассути Ҷалолуддини Румӣ дар асри 13 таъсис ёфта буд.

Асоси таълимотВироиш

Асоси таълимоташ руҷуъ ба ботин, назар ба ваҳдат ва эътироз аз зоҳир буд. Асосан дар Шарқи Миёна ва Наздик интишор ёфта, ҷамеътарин маросимашон рақсу самоъ ба шумор мерафт, ки он рамзи гардиши афлоку ҷисмҳои осмонӣ буд. Аз иш рӯ дар Ғарб мавлавия бо номи дарвешони чархон низ маъдуму машҳур аст. Ҳангоми ба ҷо овардани маросими рақсу самоъ гӯё пайравони мавлавия ба осудагй ва саодати руҳонӣ наздик мешудаанд.

Бино ба маълумоти муҳаққиқон барои узви ин силсила шудан солик бояд 1001 рӯз хизмати сӯфиён ва муршидони онро ба ҷо меовард. Аввал бояд 40 рӯз ҳезумкашӣ ва ҳамин тариқ 1001 рӯз хизмат карда, аъзои комилҳуқуқи силсила мешуд ва баъди ғусли тавба ба риёзату муҷоҳида мепардохт.

Мавлавия ҳоло ҳам дар баъзе мамолики араб фаъолият дорад. Дар аҳли Сафавиён пайравони мавлавияро ба назари ифротӣ айбдор карда, онҳоро аз Эрон берун ронданд. Ҳангоми ҳукмронии Усмониҳо мавлавиён дар Туркя нуфузи зиёд доштанд, вале баъди ҷумҳурӣ эълон шудани он нуфузи ҳудро аз даст доданд.

ЭзоҳВироиш

АдабиётВироиш