Open main menu

Муҳриддин Низомов (Низомов Мӯҳриддин Заниддинович; 2 феврали 1973, Элок, Файзобод, ҶШС Тоҷикистон) — адабиётшиноси тоҷик, номзади илмҳои филология. Аълочии маорифи Ҷумҳурии Тоҷикистон (2012).

Муҳриддин Низомов
Низомов Мӯҳриддин Заниддинович
Санаи таваллуд:

2 феврал 1973(1973-02-02) (46 сол)

Зодгоҳ:

Элок, Файзобод, ҶШС Тоҷикистон, СССР

Мамлакат:

Парчами Тоҷикистон Тоҷикистон

Фазои илмӣ:

филология

Дараҷаи илмӣ:

номзади илмҳои филология

Ҷоизаҳо:

Аълочии маорифи Ҷумҳурии Тоҷикистон (2012)

ЗиндагиномаВироиш

Мӯҳриддин Низомов 2 феврали соли 1973 дар деҳаи Элоки ноҳияи Файзобод ба дунё омадааст. Соли 1990 мактаби миёнаи № 11 ҳамин деҳаро бо медали нуқра хатм намуда, ба факултети филологияи тоҷики Донишгоҳи давлатии Тоҷикистон ба номи В. И. Ленин дохил шудааст. Соли 1995 донишгоҳро бо дипломи аъло хатм намуда, дар кафедраи таърихи адабиёти тоҷики ДМТ ба ҳайси ассистент ба фаъолият шурӯъ намудааст.

Ҳамзамон бо тадрис Мӯҳриддин Низомов ба кори илмӣ машғул шуда, аз моҳи январи соли 1996 дар шӯъбаи аспирантураи ДМТ ба сифати унвонҷӯ сабти ном шудааст. Аз соли 1998 то соли 2000 вазифаи ҷонишини декани факултети филология оид ба тарбияро ба ӯҳда дошт. Аз моҳи феврали соли 1998 ба вазифаи муаллими калони кафедраи таърихи адабиёти тоҷик интихоб шудааст. Моҳи декабри соли 2002 рисолаи номзадии худро дар мавзӯи «Масъалаҳои поэтикаи ғазалиёти Фаридуддин Аттори Нишопурӣ» ҳимоя кардааст. Моҳи феврали соли 2004 ба вазифаи дотсенти кафедраи таърихи адабиёти тоҷик интихоб шудааст. Аз моҳи сентябри соли 2007 то моҳи майи соли 2012 вазифаи ҷонишини декани факултети филология оид ба илмро иҷро намудааст. Аз моҳи майи соли 2012 то 31 декабри соли 2012 вазифаи директори Маркази табъу нашр, баргардон ва тарҷумаи ДМТ-ро ба уҳда дошт. Аз моҳи январи соли 2013 докторанти кафедраи таърихи адабиёти тоҷики ДМТ мебошад.

ТаълифотВироиш

Мӯҳриддин Низомов муаллифи чор китоб, ду барнома ва 70 мақолаи илмӣ ва илмӣ- оммавӣ мебошад.

ҶоизаҳоВироиш

Бо Ифтихорномаи Вазорати маорифи Ҷумҳурии Тоҷикистон (соли 2009) ва нишони сарисинагии «Аълочии маорифи Ҷумҳурии Тоҷикистон» (соли 2012) мукофотонида шудааст.

ОсорВироиш

  • Поэтикаи ғазалиёти Фаридуддин Аттори Нишопурӣ. — Д., 2013;
  • Маликушшуаро Баҳор. Мурғи саҳар. Мураттибон Х. Шарифов, М. Низомов. — Душанбе: Пайванд, 2006. — 110+5с;
  • Забеҳуллоҳи Сафо. Таърихи адабиёти Эрон. — Бо муқаддима ва таҳияву тавзеҳоти Х. Шарифов ва М.Низомов. — Душанбе, 2012. — 240с;
  • Камолуддин Биноӣ. Девон. Мураттибон ва омодагарони чоп Х.Шарифов ва М. Низомов. — Душанбе, 2012. — 701с;
  • Такомули вазн дар ғазалиёти Аттор // Адаб, 1997. № 7—9. — С. 26—27;
  • Мадхале бар таҷаллии рамз дар ғазалиёти Аттор [Матн] /М. Низомов //Ҷавонон ва илми муосир. — Д.: Ҳумо, 2001. — С. 142—144;
  • Реализми ҷодуӣ дар достонҳои «Силсилатуззаҳаб» ва «Субҳатулаброр»-и Ҷомӣ // Паёми Донишгоҳи миллӣ. Бахши филология, 2010, № 7(63). — С.116—120;
  • Баъзе масъалаҳои сиёсиву иҷтимоӣ дар маснавии «Силсилат-уз-заҳаб»-и Ҷомӣ // Паёми Донишгоҳи миллии Тоҷикистон, 2012, № 4/3(88). — С.178 — 180;
  • Вазифаҳои бадеии оёти қуръонӣ ва аҳодиси набавӣ дар «Силсилат-уз-заҳаб»-и Ҷомӣ// Паёми Донишгоҳи миллии Тоҷикистон, 2012, № 4/3(88). — С. 262—266;
  • Таълимоти Нақшбандия ва инъикоси он дар осори Мавлоно Абдурраҳмони Ҷомӣ // Паёми Донишгоҳи миллии Тоҷикистон, 2012, № 4/4(91). — С. 200—204

ЭзоҳВироиш

АдабиётВироиш

  • Солеҳов Қурбонбег. Обигарм (таърихи нонавишта). — Д.: Деваштич, 2006. — 302 с. — С.239;
  • Энсиклопедияи олимони Донишгоҳи давлатии миллии Тоҷикистон. — Д.: Деваштич, 2008. — 408 с. — С.218.