Open main menu

Нурулло Ҳувайдуллоев (Ҳувайдуллоев Нурулло Умарович; 1940, деҳаи Понғози ноҳияи Ашт, вилояти Ленинобод, ҶШС Тоҷикистон — 24 августи 1992, Душанбе, Тоҷикистон) — ходими давлатӣ ва ҳуқуқшиноси тоҷик. Мушовири давлатии адлияи дараҷаи 3 (1991), номзади илмҳои ҳуқуқшиносӣ (1983). Ҳуқуқшиноси варзидаи Тоҷикистон, нахустин Додситони кулли Ҷумҳурии Тоҷикистон (1992).

Нурулло Ҳувайдуллоев
Ҳувайдуллоев Нурулло Умарович
Прокурори генералии Ҷумҳурии Тоҷикистон
14 марти 1992 — 24 августи 1992
Таваллуд

1940(1940)
деҳаи Понғози ноҳияи Ашт, ҶШС Тоҷикистон, СССР

Даргузашт

24 август 1992(1992-08-24)
Душанбе, Тоҷикистон

Дараҷаи илмӣ

номзади илмҳои ҳуқуқшиносӣ

Касб

ҳуқуқшинос

ЗиндагиномаВироиш

Нурулло Ҳувайдуллоев соли 1940 дар деҳаи Понғози ноҳияи Ашти вилояти Ленинобод ба дунё омадааст[1]. Хатмкардаи факултаи ҳуқуқшиносии Университети давлатии Тоҷикистон (1962) ва Академияи илмҳои ҷамъиятии назди КМ ҲКИШ (1983).

Фаъолияти корӣВироиш

Прокурори шуъбаи назорати баррасии парвандаҳои шаҳрвандӣ дар судҳо (1964), прокурори шуъбаи тафтишоти Прокуратураи ҶШС Тоҷикистон (1965–1966), узви Суди олӣ (1966–1970), раиси Суди халқии шаҳри Душанбе (1970–1974), мудири шуъбаи маъмуриву ҳуқуқии Раёсати корҳои Шӯрои Вазирони ҶШС Тоҷикистон (1974–1978), муовини мудири шуъбаи мақомоти маъмурии КМ ҲК Тоҷикистон (1983–1990). Вакили халқӣ, раиси Комиссияи Шӯрои Олии ҶШС Тоҷикистон оид ба масъалаҳои қонунгузорӣ, ҳуқуқ ва муроҷиати шаҳрвандон (1990–1991). Прокурор (1991–1992), прокурори генералии Ҷумҳурии Тоҷикистон (аз марти 1992)[2].

Фаъолияти илмӣВироиш

Ӯ ҳамчун номзади илми ҳуқуқшиносӣ, олими ҳуқуқдон ва устоди шинохта шогирдони зиёдеро тарбия намудааст, ки имрӯз дар мақомоти прокуратура, суд ва дигар ниҳодҳои ҳифзи ҳуқуқ садоқатмандона хидмат мекунанд ва ному хотираи неки ӯро пос медоранд[3].

МаргВироиш

Нурулло Ҳувайдуллоев 24 августи соли 1992 дар авҷи камолот, ки ҳамагӣ 52 сол дошт, аз ҷониби қотилон ноҷавонмардонаву ваҳшиёна ба қатл расид[3].

ХотираВироиш

Яке аз кӯчаҳои шаҳри Душанбе ба номи Нурулло Ҳувайдуллоев гузошта шудааст[2].

ЭзоҳВироиш

  1. ХУВАЙДУЛЛОЕВ Нурулло Умарович | ЦентрАзия. www.centrasia.ru. 3 январи 2018 санҷида шуд.
  2. 2.0 2.1 Донишномаи Душанбе. — Душанбе: СИЭМТ, 2016, — С. 674. — 732 с. — ISBN 978-99947-33-89-7.
  3. 3.0 3.1 Фаррухҷон АБДУЛЛОЕВ. Нурулло Ҳувайдуллоев - тимсоли ҳақиқату адолат. Нашрияи расмии Тоҷикистон - "Ҷумҳурият". www.jumhuriyat.tj (13 Декабри 2014). 3 январи 2018 санҷида шуд.