Пиряхи Грумм-Гржимайло

Грумм-Гржимайло, Музкӯлак — пирях дар Тоҷикистон, дар қисми шарқии қаторкӯҳи Язгулом (Помири Ғарбӣ). Аз ҷиҳати масоҳаташ дар Тоҷикистон дуввумин пирях (баъди Федченко) мебошад. Дар новаи қисми шарқии қ-кӯҳи Язгулом воқеъ аст.

Пиряхи Грумм-Гржимайло?
Расположение
38°40′56″ с. ш. 72°29′43″ в. д.

Дарозиаш 37 км, масоҳаташ тақр. 160 км², бараш аз 700 то 1700 м. Грумм-Гржимайло пиряхи мураккаби сершоха аст; аз чап ба он пиряхҳои Музкӯлаки Боло (масоҳаташ 17,8 км²), Музкӯлаки Хурд (8,3 км²), Музкӯлаки Поён (2,2 км²) ҳамроҳ мешаванд. Аз он дарёиТанимас ва дигар шохобҳои дарёи Бартанг (ҳавзаи Бартанг) сарчашма мегиранд.

Соли 1887 аз тарафи бародарон Григорий ва Владимир Грумм-Гржимайло кашф гардида, ба шарафи онҳо номузорӣ шудааст. Дертар дар Грумм-Гржимайло Н. И. Косиненко (1909), Н. Л. Корженевский (1926) ва дигарон таҳқиқот анҷом додаанд.

Адабиёт

• Грумм-Гржимайло / М. Раҳимов // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2021, ҷ. 4). — ISBN 978-99947-33-77-4.

• Большая советская Энциклопедия. Т. 7. М., 1972;
• Долгушин Л. Д., Назриев З. Д., Салимов Т. Обҳои Тоҷикистон: дар бораи онҳо чӣ медонед? Д., 2000;
• Осипов Г. Б. Ледники. М., 1989;
• Раҳимов М. Табиат ва сарватҳои табии Тоҷикистон. Д., 2001.