Прага (чехӣ: Praha) пойтахт ва бузургтарин шаҳри Ҷумҳурии Чехия аст ва дар шимолу ғарби Чехия дар канори рӯйи рӯдхонаи Влтава бино шудааст. Масоҳати шаҳр 500 километри мураббаъ аст ва дар он 1 241 664 нафар (омори соли 2012) зиндагӣ мекунанд. Нахустин сокинони дараи Влтава қабилаи Килтҳо буданд, ки ҳудуди 500 соли пеш аз милод дар ин маҳал сукунат мекарданд.
Прага дар қарни 9 милодӣ ба василаи шоҳзода Борживой I, ки наздики рӯдхонаи Влтава қалъа худро сохт, бунёд шудааст. Шоҳзода Борживой I аз хонадони Пржемисл буд ки аз шаҳри Levý Hradec ба маркази Боҳемия омад. Хонадони Пржемисл аз хонаводаи ашрофзодаҳо буданд, ки аз қарни 9 то соли 1306 дар кишвари подшоҳии Чехия ҳукумат карданд. Шоҳзода Владислав I писари шоҳзодаи Борживой I буд, ки соли 921 ба сохтани ибодатгоҳи ба номи Георгии муқаддас дар наздикии қалъа оғоз кард.
}
