Салоҳияти Маҷлиси намояндагон

Салоҳияти Маҷлиси намояндагон - яке аз палатаи Маҷлиси Олии ҶТ Маҷлиси намояндагон буда, он бо тарзи ташкилӣ ва салоҳияти худ аз палатаи дуюм - Маҷлиси миллӣ фарқ мекунад. Маҷлиси намояндагон мақоми доимо амалкунанда мебошад ва салоҳияти зерин дорад:

1) таъсиси Комиссияи марказии интихобот ва раъйпурсии Ҷумҳурии Тоҷикистон, интихоб ва бозхонди Раис, муовин ва аъзои он бо пешниҳоди Президент;

2) ба муҳокимаи халқ пешниҳод намудани лоиҳаи қонунҳо ва дигар масъалаҳои муҳими давлатию ҷамъиятӣ;

3) тасдиқи барномаҳои иқтисодӣ ва иҷтимоӣ;

4) ризоият ба додугирифти қарзи давлатӣ;

5) тасдиқ ва бекор кардани шартномаҳои байналмилалӣ;

6) таъйини раъйпурсӣ;

7) таъсиси судҳо;

8) тасдиқи рамзҳои давлатӣ;

9) тасдиқи мукофотҳои давлатӣ;

10) тасдиқи фармонҳои Президент дар бораи таъйин ва озод намудани Раиси Бонки миллӣ ва муовинони ӯ;

11) муқаррар намудани рутбаҳои ҳарбӣ, дипломатӣ ва унвонҳои махсус;

12) амалӣ намудани ваколатҳое, ки Конститутсия ва қонунҳо муайян кардаанд (моддаи 57 Конститутсия).

Нигаред низ

Салоҳияти Маҷлиси миллӣ